09.12.2025 | 20:54
Թրամփը հայտարարել է, որ Եվրոպան շատ առումներով վատ է աշխատում
«Երեկոյան անցնում ենք, տեսնում ենք` արձանը չկա». «Հավերժության ժապավեն» արձանի լուսավորության համար 7 մլն դրամ կհատկացվի․ ՏԵՍԱՆՅՈՒԹ
Մշակույթ
17.03.2022 | 12:26
Կառավարության այսօրվա նիստում որոշում կայացվեց 7 մլն դրամ հատկացնել «Հավերժության ժապավեն» կամ «Ճանապարհաշինարարների արձանի» լուսավորության համար:
Վարչապետ Նիկոլ Փաշինյանը նկատեց, որ Երրորդ հանրապետության պատմության ընթացքում մի քանի անգամ արձանը թալանվել է՝ որպես պղնձի ջարդոն: «Մենք պայմանավորվում ենք, որ այդպիսի իրավիճակ պետք է չունենանք, և ոստիկանությունը դրա համար կրում է առաջնահերթ պատասխանատվություն»,- ասաց նա:
«Մեր մեծագույն պրոբլեմը, որ ամեն քայլափոխի խոչընդոտում է, դա կիսակատարության կուլտուրան է: Ինձ համար մեծ զարմանք էր, երեկոյան ժամին անցնում ենք, տեսնում ենք այդ արձանը չկա, այսինքն՝ պետությունը փող է ծախսել, բայց այդ արձանը աշխատում է կոնկրետ ժամերի, բայց այդպես ո՞նց կարելի է: Կամ անցնում ենք տեսնում ենք հետևը, կներեք, «զաբոռ» է քաշած, բայց տենց բան ո՞նց են անում, ու դրա համար մենք փող ենք տվել, ֆինանսավորել ենք, մինչդեռ ես բառացի ասել էի, որ այնտեղ արահետ պետք է լինի, որ մարդիկ մոտենան, նկարվեն, միջավայր լինի… Եկեք կիսակատարության ռեժիմից դուրս գանք»,- նշեց վարչապետը:
Մանրամասները՝ տեսանյութում:
