01.03.2026 | 12:28
Եկամուտների համընդհանուր հայտարարագրում․ ովքե՞ր են այս տարվանից միանում համակարգին և ի՞նչ է պետք իմանալ
Գյումրու «Մագնոն» գործարանում ռումբ տեղադրելու մասին ահազանգը կեղծ էր
Հասարակություն
15.03.2022 | 19:58
Շիրակի մարզի ընդհանուր իրավասության դատարանի հարևանությամբ գտնվող խաղահրապարակների և մարզահրապարակների սարքավորումների «Մագնոն» գործարանում ռուբ տեղադրելու մասին հնչեցված ահազանգը կեղծ էր։
Այս մասին տեղեկացանք ոստիկանության Շիրակի մարզային վարչությունից, աշխատանքներ են տարվում կեղծ ահազանգ հնչեցնողի անձը բացահայտելու ուղղությամբ։
Հիշեցնենք, որ այսօր ՝ժամը 13։00-ի սահմաններում, Արտակարգ իրավիճակների նախարարության փրկարար ծառայության 9-11 ճգնաժամային կառավարման կենտրոն ահազանգ է ստացվել, որ Գյումրի քաղաքում գործող «Մագնիում» գործարանում ռումբ է դրված։
Բավական երկար ժամանակ փակել էին դատարանի շենքից մինչև «Յունիբանկ» տանող հատվածը, այն է՝ Ալեք Մանուկյանի փողոցի սկզբնամասից մինչև Իսահակյան փողոց․ տեղահանել այստեղ գտնվող խանութների, սրճարանների, գրասենյակների աշխատակիցներին։ Ոստիկանական մեծ ուժեր էին կուտակվել՝ պահպանելով հասարակական կարգն ու ապահովելով անվտանգությունը։
Արմիկ Մովսիսյան
