08.02.2026 | 22:09
Չեխիայի իշխանությունները ցանկանում են երեխաներին արգելել օգտվել սոցիալական ցանցերից
4:0 հաշվով Հայաստանի կանանց ֆուտբոլի Մ17 ընտրանին զիջեց Թուրքիային. ԼՈՒՍԱՆԿԱՐՆԵՐ
15.03.2022 | 18:09
ՈՒԵՖԱ-ի կանանց Եվրոպայի մինչև 17 տարեկանների 2021/2022 որակավորման փուլի B լիգայի երկրորդ խմբի առաջին խաղում Հայաստանի ընտրանին մրցեց Թուրքիայի հավաքականի հետ:
«Արմենպրես»-ի հաղորդմամբ` Արմավիրի նորաբաց քաղաքային մարզադաշտում կայացած խաղի առաջին կեսում երկու թիմերն էլ ունեցած հնարավորությունները չէին օգտագործում` հաշվի մեջ առաջ անցնելու համար:
Երկրորդ կեսի հենց մեկնարկին Թուրքիան առաջ անցավ հաշվի մեջ: Աչքի ընկավ Մինե Յիլդզը: Վերջինս դարձավ նաև դուբլի հեղինակ 71-րդ րոպեին: 87-րդ րոպեին Հայաստանի հավաքականի կազմում ինքնագոլի հեղինակ դարձավ Խաչատուրյանցը: Իսկ հանդիպման ավելացված ժամանակում Զելալ Բորանը խփեց թուրքերի 4-րդ գնդակը:
Ի վերջո Թուրքիան հաղթեց 4:0 հաշվով:
Հայաստանում անցկացվող կանանց Եվրոպայի մինչև 17 տարեկանների 2021/2022 որակավորման փուլի B լիգայի երկրորդ խմբի մրցաշարի շրջանակներում մարտի 18-ին կկայանա Թուրքիա-Լատվիա, իսկ մարտի 19-ին Լատվիա-Հայաստան հանդիպումները:
