Մենք արդեն հասկացել ենք, որ Ուկրաինան չի դառնա ՆԱՏՕ-ի անդամ․ Զելենսկի

Ուկրաինայի նախագահ Վլադիմիր Զելենսկին մեկնաբանել է ՆԱՏՕ-ի անդամ դառնալու Ուկրաինայի ցանկությունը։ Նրա խոսքով՝ Կիևում արդեն հասկացել են, որ «բաց դռների» քաղաքականությունը չի վերաբերում Ուկրաինային, գրում է Unian-ը։
Այս մասին նա ասել է  Joint Expeditionary Force առցանց քննարկման ժամանակ։

«Պարզ է, որ Ուկրաինան ՆԱՏՕ-ի անդամ չէ, մենք դա հասկանում ենք, մենք ադեկվատ մարդիկ ենք։ Տարիներ շարունակ մենք լսել ենք բաց դռների մասին, բայց հիմա նաև լսել ենք, որ չենք կարող ներս մտնել և պետք է դա խոստովանենք։ Ուրախ եմ, որ մեր ժողովուրդը սկսում է դա հասկանալ և ապավինել իրեն և մեզ օգնող մեր գործընկերներին»,- ասել է Ուկրաինայի նախագահը։

Նա ևս մեկ անգամ կոչ է արել փակել երկինքը Ուկրաինայի տարածքի վրա, բայց նաև նշել է, որ դրական որոշման հավանականությունը ցածր է։

«Ուկրաինան ներկայումս չի հավակնում ակտիվացնել ՆԱՏՕ-ի պայմանագրի 5-րդ հոդվածը։ Մենք միշտապես ասում ենք, որ մեր երկինքը պետք է պաշտպանվի այնպես, ինչպես Դաշինքի երկինքը, բայց հասկանում ենք, որ միշտ կա «բայց», և ինչպիսին կլինի Դաշինքի պատասխանը, եթե նրանք արդեն Եվրոպայի արևելքում դիմում են պաշտպանության համար։ Եթե նրանց մոտ թռչեն ռուսական հրթիռները, Աստված չանի, ռուսական ինքնաթիռները։ Ռուսաստանը գրոհել է մեր Լվովի մարզը, հրթիռային հարված է հասցվել ՆԱՏՕ-ի սահմանից 20 կմ հեռավորության վրա։ Դաշինքի տարածքում արդեն ընկել են ռուսական անօդաչուներ»,- եզրափակել է երկրի ղեկավարը։

Տաթև Ֆռանգյան