17.05.2026 | 15:20
Քարոզարշավի 10-րդ օրն ունենք 1 զոհ, 10 ձերբակալված, բազմաթիվ քրեական գործեր․ Ագնեսա Խամոյան․ ՏԵՍԱՆՅՈւԹ
«Զորքերում մի տեսակ պարապություն կա». ի՞նչ է արվում ԶՈՒ-ում ֆիզպատրաստվածությունը բարելավելու համար․ ՏԵՍԱՆՅՈՒԹ
Քաղաքականություն
15.03.2022 | 13:37
«Ի՞նչ է արվում ԶՈՒ-ում ֆիզպատրաստվածությունը բարելավելու համար, միջոցներ ծախսվելո՞ւ են մարզասարքեր ձեռք բերելու համար»,- ԱԺ պաշտպանության և անվտանգության հարցերի մշտական հանձնաժողովի նիստում, դիմելով ՀՀ պաշտպանության նախարարի տեղակալ Արման Սարգսյանին, այս հարցերն ուղղեց «Հայաստան» խմբակցության պատգամավոր Գեղամ Նազարյանը:
Պատգամավորն առաջարկեց գումարտակների միջև տարբեր մարզաձևերով առաջնություններ կազմակերպել, ինչը կնպաստի, որ զինվորները լինեն ավելի ուժեղ:
Պատգամավորի հարցերին նախ արձագանքեց նիստը վարողը՝ «Քաղաքացիական պայմանագիր» խմբակցության պատգամավոր Արմեն Խաչատրյանը՝ նկատելով. «Զորքերում մի տեսակ պարապություն կա, այդ պարապությունը պետք է լցնենք ֆիզիկական պատրաստվածությամբ, զինվորները հնարավորինս շատ պետք է սպորտով զբաղվեն»:
«Բանակի մասին խոսելիս որևէ պաշտոնյա չի կարող ասել, որ այնտեղ ամեն ինչ շատ լավ է: Մարզական գույք ձեռքբերելու ուղղությամբ աշխատանքներ տարվում են»,- նշեց Սարգսյանը՝ հավելելով, որ ակտիվ աշխատանքներ են իրականացվում ռազմաուսումնական հաստատությունները նորագույն գույքով համալրելու համար, որպեսզի ապագա սպաները մարզական վիճակը կատարելագործեն:
Փոխնախարարը նաև հիշեցեց, որ ԶՈւ ԳՇ-ում կա նաև մարզական վաշտ: Սարգսյանը վստահեցրեց՝ ամեն ինչ արվում է, որ ծառայության 2 տարին մարզիկների համար կորսված ժամանակ չդառնա. « «Նրանց պարապմունքներ անցկացնելու և մրցույթների ու մրցաշարերի մասնակցելու հնարավորություն է տրվվւմ»:
Մանրամասները՝ տեսանյութում:
