16.09.2026 | 19:50
Նիժնի Տապըռի գեղ եք ուզում, որ ոնց ուզեք՝ ձեր «Մայբախ»-ները քշեք. Փաշինյան
ՆԱՏՕ-ն այս տարվա ամենախոշոր զորավարժություններն է սկսել Նորվեգիայում
Քաղաքականություն
14.03.2022 | 13:38
ՆԱՏՕ-ն, Ուկրաինայում ռազմական գործողությունների ֆոնին, մարտի 14-ին Նորվեգիայում սկսում է այս տարվա ամենախոշոր զորավարժությունները։ Cold Response զորավարժություններին, որոնց կտևեն մինչև ապրիլի 1-ը, մասնակցում են շուրջ 30 հազար զինվորականներ, 200 ինքնաթիռ և 50 նավ 27 երկրներից, գրում է DW-ի ռուսական ծառայությունը։
Զորավարժություններն անցկացվում են ջրում, օդում և ցամաքում, Նորվեգիայի պաշտպանությունը մշակվում է կլիմայական բարդ պայմաններում։
Վարժանքները տեղի են ունենում Ռուսաստանի սահմանից մի քանի հարյուր կիլոմետր հեռավորության վրա։ Տեղեկացվում է, որ դրանք պլանավորվել էին Ուկրաինայի դեմ Մոսկվայի կողմից պատերազմ սկսելուց շատ առաջ։ ՆԱՏՕ-ի տվյալներով՝ դաշինքը մանրամասն տեղեկացրել է ՌԴ-ին առաջիկա զորավարժությունների մասին և առաջարկել դիտորդների ուղարկել, սակայն Մոսկվան հրաժարվել է։
Cold Response զորավարժություններին մասնակցում են նաև ՆԱՏՕ-ի մերձավոր գործընկերներ Շվեդիան և Ֆինլանդիան: Գերմանիայից զորավարժություններին մասնակցում է Բունդեսվերի «Բեռլին» նավը՝ 200 հոգանոց անձնակազմով։
Տաթև Ֆռանգյան
