29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Իրանի միջուկային ծրագրի շուրջ բանակցությունները դադարեցվել են
Քաղաքականություն
11.03.2022 | 18:24
Համաշխարհային տերությունները և Իրանը դադարեցրել են 2015 թվականի միջուկային համաձայնագիրը վերագործարկելու բանակցությունները՝ «արտաքին գործոնների» պատճառով: Այս մասին հայտարարել է Եվրամիության արտաքին քաղաքականության ղեկավար Ջոզեպ Բորելը այն բանից հետո, երբ վերջին րոպեին «Ռուսաստանի պահանջները սպառնացել են տապալել հիմնականում ավարտված բանակցությունները», գրում է US news-ը:
«Վիեննայի բանակցություններում դադար է անհրաժեշտ՝ արտաքին գործոնների պատճառով։ Վերջնական տեքստը, ըստ էության, պատրաստ է և դրված է սեղանին»,- գրել է Ջոզեպ Բորելը Twitter-ում։
Հինգշաբթի Թեհրանը հայտարարել էր, որ նոր խոչընդոտներ կան գործարքը վերականգնելու համար: Վաշինգտոնն ընդգծել է, որ մտադիր չէ բավարարել Ռուսաստանի պահանջները, որոնք, ըստ նրա, կապ չունեն Իրանի միջուկային ծրագրի շուրջ բանակցությունների հետ, սակայն նշվում է, որ դեռևս կան փոքր չլուծված և բարդ հարցեր՝ գործարքի հասնելու համար:
Ռուսաստանն անցյալ շաբաթ նախազգուշացրել էր, թե ցանկանում է ԱՄՆ-ի երաշխիքները, որ պատժամիջոցները, որոնք կիրառվել են Ուկրաինայում հատուկ ռազմական գործողություն իրականացնելու պատճառով, չեն ազդի Իրանի հետ իր ծրագրած գործընկերության վրա: Սակայն ՌԴ-ի այս պահանջն արևմտյան երկրներն անվանել են անսպասելի, իսկ Վաշինգտոնը պնդել է, որ չի համաձայնի դրան։
Տաթև Ֆռանգյան
