29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Հաջորդ անգամ Freedom House-ին և Amnesty International-ին հղում արեք. Վարդևանյանը՝ իշխանությանը. ՏԵՍԱՆՅՈՒԹ
Քաղաքականություն
09.03.2022 | 18:56
Ազգային ժողովում քննարկվում է «Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման մասին» օրենքում լրացում կատարելու մասին» օրենքի նախագիծը:
«Հույս ունեմ հաջորդ անգամ Freedom House-ին և Amnesty International-ին հղում կանեք, ցավով եմ ասում, որ այնտեղ լավ բաներ գրված չեն, բայց մյուս կողմից էլ դա է իրականությունը»,- նշեց «Հայաստան» դաշինքի պատգամավոր Արամ Վարդևանյանը:
Պատգամավորը հայտարարեց, որ իրենք ԵՏՄ կանոնակարգումների հետ կապված խնդիրներ են տեսնում, բացի դրանից՝ առաջարկում էին անդրադառնալ բացօթյա տարածքներում հակածխախոտային քաղաքականությունը մեղմելուն:
«Հանձնաժողովում քննարկումը ցույց տվեց, որ այս հարցն առնվազն քննարկման առարկա դարձնելու գաղափար կա։ Կարծում ենք, որ բացօթյա տարածքներում նման սահմանափակումը համաչափ չէ։ Հնչում է հակափաստարկ, որ «բացօթյա տարածք» սահմանելը դժվար կլինի։ Դա նշանակում է, որ ավելի շատ ժամանակ պետք էր տրամադրել և հստակ լուծում գտնել, այլապես տոտալ արգելքն ամենահեշտ լուծումն է։ Մենք ձեռնպահ ենք քննարկելու, բայց առաջիկայում այս հարցի մասին օրինագիծ կնախաձեռնենք»։
Մանրամասները՝ տեսանյութում:
