10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
«Արտահերթ ընտրությունը քայլերից մեկն է»․ ԱԺ փոխնախագահ
Քաղաքականություն
21.04.2018 | 20:13
«Ծառուկյան» խմբակցության պատգամավոր Միքայել Մելքումյանը ԱԺ արտահերթ ընտրությունները համարում է ներքաղաքական ճգնաժամից դուրս գալու ելքերից մեկը։
«Բայց եթե դա պետք է լինի մինչև հիմա եղած ընտրությունների նման, ճիշտ չէ։ Իշխանությունը մինչ այդ պետք է մի քանի կոնկրետ քայլ անի»,- ասում է ԱԺ փոխնախագահը։
Ըստ նրա, Նիկոլ Փաշինյանը պետք է գնա երկխոսության, որտեղ պետք է իշխանությունից ստանա առարկայական զիջումներ։
«Կոշտ առճակատումներն անընդունելի են, իշխանությունները պետք է ասեն, որ, ասենք, 3-4 քայլով գնում են զիջումների»,- նկատում է պատգամավորը։
Նա ողջունում է երիտասարդների ընդվզումը՝ ընդունելով, որ ուղղակի բազմաթիվ են կուտակված հարցերը, որոնք լուծում չեն ստացել։ Ըստ նրա, ամեն ինչ պիտի արվի արրյունահեղությունը բացառելու համար։ «Մեկ մարդու արյունն էլ ընդունելի չէ»,- ասում է Միքայել Մելքումյանը։
Մհեր Արշակյան
