10.09.2026 | 11:35
Թրամփը հայտարարել է, որ Իրանի հետ պատերազմը կավարտվի ԱՄՆ միջանկյալ «ընտրություններից անմիջապես հետո»
Միգուցե այդ պատգամավորները Ձեր խմբակցությունի՞ց են․ Հովհաննիսյանը՝ Թովմասյանին․ ՏԵՍԱՆՅՈՒԹ
Քաղաքականություն
04.03.2022 | 14:05
Ազգային ժողովում քննարկվում է ԱԺ «Պատիվ ունեմ» խմբակցության պատգամավոր Թագուհի Թովմասյանի հեղինակած «Զինվորական ծառայության և զինծառայողի կարգավիճակի մասին» օրենքում փոփոխություններ կատարելու մասին նախագիծն առաջին ընթերցմամբ ընդունելու մասին հարցը։
Նախագծով առաջարկվում է ծառայության վայրում ծառայողական բնակարանով չապահովվելու դեպքում պայմանագրային զինծառայողներին ամսական դրամական փոխհատուցում տրամադրել` Հայաստանի Հանրապետության կառավարության սահմանած կարգով և չափերով՝ միայն կադաստրի եզրակացությամբ, առանց պահանջելու նոտարով հաստատված վարձակալության մասին պայմանագիր:
«Մեզ լուծումներ են պետք, բայց ոչ այն նախագծերի տեսքով, որոնք փիարի համար են արվում: Այս նախագիծը չի լուծում խնդիրը»,- այս տեսակետը հայտնեց «Քաղաքացիական պայմանագիր» խմբակցության պատգամավոր Արթուր Հովհաննիսյանը՝ հավելելով, որ նախագծի հեղինակը ոչ միայն չի կարողանում հիմնավորել նախագիծը, այլ նաև խրախուսում է խուսափել հարկերից:
Անդրադառնալով Թովմասյանի այն պնդմանը, որ կան պատգամավորներ, որոնք վարձակալության փոխհատուցում են ստանում, բայց ապրում են բարեկամների կամ զոքանչի տանը, Հովհաննիսյանը հորդորեց կոնկրետ անուններ նշել, թե ում մասին է խոսքը. «Կարո՞ղ է այդ պատգամավոները ձեր խմբակցությունից են»:
Մանրամասները՝ տեսանյութում:
