10.09.2026 | 11:35
Թրամփը հայտարարել է, որ Իրանի հետ պատերազմը կավարտվի ԱՄՆ միջանկյալ «ընտրություններից անմիջապես հետո»
Կառավարությունը դեմ է առանց բնակարանի վարձակալության պայմանագրի զինծառայողներին փոխհատուցում տալու նախագծին․ ՏԵՍԱՆՅՈՒԹ
Քաղաքականություն
04.03.2022 | 13:06
Ազգային ժողովում քննարկվում է ԱԺ «Պատիվ ունեմ» խմբակցության պատգամավոր Թագուհի Թովմասյանի հեղինակած «Զինվորական ծառայության և զինծառայողի կարգավիճակի մասին» օրենքում փոփոխություններ կատարելու մասին նախագիծն առաջին ընթերցմամբ ընդունելու մասին հարցը։
Կառավարությունը դեմ է առանց բնակարանի վարձակալության պայմանագրի զինծառայողներին փոխհատուցում տալու նախագծին: Այս մասին Ազգային ժողովում հայտարարեց ՀՀ պաշտպանության նախարարի տեղակալ Արման Սարգսյանը:
Նշենք, որ նախագծով առաջարկվում է ծառայության վայրում ծառայողական բնակարանով չապահովվելու դեպքում պայմանագրային զինծառայողներին ամսական դրամական փոխհատուցում տրամադրել` Հայաստանի Հանրապետության կառավարության սահմանած կարգով և չափերով՝ միայն կադաստրի եզրակացությամբ, առանց պահանջելու նոտարով հաստատված վարձակալության մասին պայմանագիր:
Ներկայացնելով Կառավարության տեսակետը, Սարգսյանն ընդգծեց, որ առաջարկվող փոփոխությունները չեն բխում օրենքի 65-րդ հոդվածի կարգավորման էությունից: Հոդվածի կարգավորման նպատակը ոչ թե պարզապես դրամական փոխհատուցում տրամադրելն է, այլ բնակարանային պայմանների բարելավման կարիք ունեցող զինծառայողներին աջակցելը:
«Կառավարությունը ծրագրում է համալիր լուծումներ տալ զինծառայողների` բնակարանով ապահովման գործընթացին և այս պահին առաջարկում է ձեռնպահ մնալ նախագծով առաջարկվող փոփոխություններ ընդունումից»,- նշեց փոխնախարարը
Մանրամասները՝ տեսանյութում:
