07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Հայտնի է` ով է Ուկրաինայում զոհված հայը. հայերի միության փոխնախագահը մանրամասներ է պատմում
Քաղաքականություն
03.03.2022 | 20:18
Factor TV-ի հետ զրույցում Ուկրաինայի հայերի միության փոխնախագահ Դավիթ Մկրտչյանը հաստատեց ավելի վաղ տարածված տեղեկությունը, որ ազգությամբ հայ խաղաղ բնակիչ է զոհվել։ Ըստ Մկրտչյանի տեղեկությունների՝ զոհվածը Խերսոնի բնակիչ է, միջին տարիքի տղամարդ։ Վահիկ Սողոմոնյանն ընտանիքի հետ էր ապրում։ Ուկրաինայի հայերի միության փոխնախագահն ասում է՝ տեղեկություն չունեն, թե դեպքն ինչպես է պատահել։
Անդրադառնալով Խերսոնում տիրող իրավիճակին՝ Մկրտչյանն ասաց, որ քաղաքը շրջափակված է, սննդի ու դեղորայքի խնդիր կա: Նրա տեղեկացմամբ՝ գրեթե նույն պատկերն է նաև Կիևում․ «Տրանսպորտը, մետրոն գրեթե չեն գործում, կայարանները օգտագործվում են որպես ապաստարաններ»։
Ուկրաինայի հայերի միության փոխնախագահը ներկայացնում է, թե Ուկրաինայի որ քաղաքներում է ավելի ծանր իրավիճակ․
«Ուկրաինայի արևելյան հատվածներում հոսանքի, ջրի խնդիր կա։ Խարկովում, Չեռնիգովում ծանր իրավիճակ է։ Չեռնիգովը շրջափակման մեջ է, բայց ռուսները քաղաք չեն մտնում․ ուկրաինական դրոշ է ծածանվում։ Ռուսները մտել են Խերսոն, հանդիպել են քաղաքապետի հետ ու հեռացել կենտրոնից, բայց քաղաքը շրջափակման մեջ է»,- պատմեց Մկրտչյանը։
Մանրամասները՝ տեսանյութում։
Արփի Հակոբյան
