09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Պատերազմի 8-րդ օրը․ Ուկրաինայում հումանիտար վիճակը գնալով ծանրանում է. ՏԵՍԱՆՅՈւԹ
Քաղաքականություն
03.03.2022 | 19:46
Ուկրաինայում ռազմական գործողությունների սկսման օրվանից ի վեր այսօր առաջին անգամ պաշտոնապես հայտարարվեց առաջին հայ զոհի մասին։ Դեպքը, ըստ Կիևի հայ համայնքի ղեկավար Նորիկ Գևորգյանի, տեղի է ունեցել Խերսոն քաղաքում, որը՝ ռուսական պաշտոնական աղբյուրների պնդմամբ՝ իրենց վերահսկողության տակ է անցել։
Ընդհանուր առմամբ՝ ըստ Ուկրաինայի Արտակարգ իրավիճակների պետական ծառայության՝ միայն Խարկովի մարզում զոհվել է 34, վիրավորվել՝ 285 մարդ, այդ թվում՝ 10 երեխա։ Զոհվածների թվում է նաև ԵԱՀԿ դիտորդական առաքելության անդամ Մարինա Ֆենինան․ նա զոհվել է մարտի 1-ին՝ մթերք գնելու ժամանակ։
«Խարկով քաղաքը երեկ և նախորդ օրերին ակտիվորեն ենթարկվում է ծանր հրետակոծության, ավիահարվածների, և թիրախավորվում են ոչ միայն ռազմական և ադմինիստրատիվ օբյեկտները, այլև՝ բնակելի շենքեր, և բավականին շատ զոհեր կան նաև խաղաղ բնակչության շրջանում։ Հարվածները գրեթե չեն դադարում, երեկ մինչև ուշ գիշեր ռմբակոծվել են բնակելի թաղամասեր, նաև Խարկովի մարզի Իզյում քաղաքը»։
Ուկրաինայի Դոնեցկի մարզի հայերի միության ղեկավար Վահագն Մաթևոսյանը, որն այս պահին Մարիուպուլում է, հայտնում է՝ ժողովուրդը չի կարողանում դուրս գալ քաղաքից, շուրջբոլորը պայթյուններ են։
Ռազմական գործողություններին զուգահեռ՝ ժամեր առաջ բանակցություններում ռուսական պատվիրակության ղեկավար Վլադիմիր Մեդինսկին հայտնել էր, որ տեղական ժամանակով 15։00-ին բանակցությունների երկրորդ փուլը Բրեստում կշարունակվի։ Ուկրաինայի նախագահի գրասենյակի ղեկավարի խորհրդական Միխայիլ Պոդոլյակն էլ իր հերթին թվիթերյան գրառմամբ հայտնել է, որ ուկրաինական պատվիրակությունը մեկնել է ռուսական կողմի հետ բանակցությունների։
Մանրամասները՝ տեսանյութում։
Ռոզա Վարդանյան
