02.03.2026 | 23:40
Հայաստանի մի շարք հասցեներում էլեկտրաներգիայի անջատումներ կլինեն
Վե՛րջ տվեք այս քաղաքական թմրամոլությանը․ դավաճանի ասեղի վրա եք նստել․ Կոնջորյանը՝ ընդդիմությանը․ ՏԵՍԱՆՅՈւԹ
Քաղաքականություն
03.03.2022 | 19:13
«Մի կողմ դնենք Սեյրան Օհանյանի ռազմական հաջողությունները, կարող ենք դրա մասին ունենալ տարբեր տեսակետներ»,- այս մասին ԱԺ լիագումար նիստում նշեց «Քաղաքացիական պայմանագիր» խմբակցության ղեկավար Հայկ Կոնջորյանը՝ անդրադառնալով ընդդիմության դժգոհությանն առ այն, որ «իշխանական պատգամավորների կողմից քննադատության է ենթարկվում գեներալը, մարդ, ով Շուշին է ազատագրել»:
«Երբ որ պարոն Օհանյանը ստանձնել է քաղաքական գործառույթ՝ որպես պատգամավոր և խմբակցության ղեկավար, դա ենթադրում է, որ նրա հասցեին նաև քաղաքական քննադատություններ պետք է հնչեն և դիտարկումներ արվեն, ինչպես նաև Վանեցյանի հասցեին, թեև մեր այդ երկու գործընկերները գեներալ են: Ազգային ժողովի աթոռները խրամատներ չեն և այստեղ ռազմական հաջողություններն ու ուսադիրները չեն էական, մենք պիտի փորձենք գեներալներ լինել քաղաքականության մեջ՝ որպես օրենսդիր, իսկ թե ով է գեներալ, ով շարքային, դա որոշում է ժողովուրդը՝ իր քվեարկութամբ»,- ասաց իշխանական պատգամավորը:
Կոնջորյանի բնորոշմամբ՝ նոյեմբերի 9-ից հետո խորհրդարանական ընդդիմության որդեգրած հռետորաբանությունը նման է քաղաքական թմրամոլության:
«Դուք ձեր դոզան՝ նշաձողը էնքան բարձր եք միանգամից վերցրել՝ դավաճան ասելով, որ հիմա էլ ոչ մի բան չի ազդում, նստել եք դավաճանի ասեղի վրա ու հանրությանն էլ եք նստեցրել: Առաջարկում եմ վերջ տալ այս քաղաքական թմրամոլությանը և վերադառնալ կառուցողական քննարկումների դաշտ՝ առանց շշանետումների, առանց վիրավորանքների ու առանց նեղացածության»,- կոչ արեց Կոնջորյանը:
Մանրամասները՝ տեսանյութում:
