18.08.2026 | 14:57
Անձնական տվյալների պաշտպանության գործակալությունը հորդորում է չտարածել Երևանում հայտնաբերված նորածնի դեմքը
7 շրջանը երբեք ոչ ոք բանակցություններում չի համարել Արցախի մաս, համարել են ԼՂ-ն շրջապատող տարածք. Եղոյան. ՏԵՍԱՆՅՈւԹ
Քաղաքականություն
03.03.2022 | 16:05
ԱԺ լիագումար նիստում «Քաղաքացիական պայմանագիր« խմբակցության պատգամավոր Արման Եղոյանն անդրադարձավ խորհրդարանական ընդդիմության քննադատություններին, որոնք իշխանությանը մեղադրում են Արցախի 75 տոկոսը հանձնելու մեջ:
«Դուք ասում եք Արցախի 75 տոկոսը… Տեսեք՝ դուք ինչ եք անում. ձեր քաղաքական շահերի, ձեր ներքին լսարանի համար Արցախի վերահսկողության տակ գտնված ամբողջ տարածքը համարում եք մեկ իրավական միավոր, հաշվում եք, թե քանի քառակուսի կիլոմետր տարածք է կորսվել և ասում եք՝ տեսե՛ք 12 հազար էր, մնաց երեքուկես հազար, այսինքն՝ 75 տոկոսը կորավ, առանց հաշվի առնելու, որ այդ 7 շրջանը երբեք ոչ ոք, միջազգային հանրությունը և ՀՀ ղեկավարները բանակցություններում չեն համարել Արցախի մաս, այլ համարել են ԼՂ-ն շրջապատող տարածք»,- նշեց Եղոյանը:
Նա հիշեցրեց, որ ապրիլյան պատերազմից հետո Սերժ Սարգսյանը հայտարարել է, որ Արցախը շրջապատող անվտանգության տարածքից 800 հեկտարը կորսվել է:
«Էն ժամանակ դա անվտանգության տարածք էր, մեր ժամանակ դարձավ Արցախի տարա՞ծք: Կողմնորոշվե՛ք»,- նշեց Եղոյանը՝ դիմելով ընդդիմադիր գործընկերներին:
Մանրամասները՝ տեսանյութում:
