20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
Ինչպե՞ս են Սարգսյանը, Քոչարյանը բանակցել հայրենիքի որոշ մաս հանձնելու շուրջ․ պոտենցիալ հողատո՞ւ են․ Ռուբինյանը՝ ընդդիմությանը. ՏԵՍԱՆՅՈՒԹ
Քաղաքականություն
03.03.2022 | 15:39
«Ասում եք՝ դուք փորձում եք չվիրավորել հանրային գիտակցությունը: Թույլ տվեք չհամաձայնվել»,- արտահերթ ելույթ ունենալով՝ նշեց ԱԺ փոխնախագահ Ռուբեն Ռուբինյանը՝ արձագանքելով «Հայաստան» խմբակցության պատգամավոր Արծվիկ Մինասյանի ելույթին, որտեղ պատգամավորն անդրադարձել էր երեկ խորհրդարանում ԱԺ – Կառավարություն հարցուպատասխանի ժամանակ տեղի ունեցած միջադեպին:
Անդրադառնալով իշխանության հասցեին հնչած մեղադրանքին, թե «հող են հանձնել» Ռուբինյանը նշեց. «Խնդիրը հանրային գիտակցությունը վիրավորելու մեջ է: Հարց եմ տալիս ընդդիմադիրներին. Սանասարը, Կովսականը, Քաշաթաղը, Ակնան, ի՞նչ կարգավիճակ են ունեցել հայերիս համար, ՀՀ ղեկավարների համար: Արձանագրված փաստ է, որ ՀՀ իշխանությունները՝ Լևոն Տեր-Պետրոսյանի, Ռոբերտ Քոչարյանի, Սերժ Սարգսյանի, նախագահության տարիներին բանակցել են յոթ շրջանները Ադրբեջանին հանձնեու շուրջ… Հաշվի առնելով այս հանգամանքը, երբ որ ձեզնից շատերն ասում են՝ դուք հանձնել եք հայրենիքի՝ Արցախի 75 տոկոսը, հարց է առաջանում, պարոն Մինասյան, ինչպե՞ս են ձեր կոալիցիոն գործընկերներ Ռոբերտ Քոչարյանը և Սերժ Սարգսյանը բանակցել հայրենքի որոշակի տոկոս հանձնելու շուրջ, արդյո՞ք դա նշանակում է, որ իրենք պոտենցիալ հողատու էին՝ ձեր տրամաբանությամբ: Այստեղ է խնդիրը։ Կողմնորոշվեք ի վերջո։ Եթե Ադրբեջանը ստորագրեր Կազանի փաստաթուղթը, և այդ տարածքները, որոնք Ադրբեջանին անցան պատերազմի արդյունքում, անցնելու էին, չէ՞, Ադրբեջանին ի վերջո։ Ինչո՞ւ եք վիրավորում իմ և ոչ միայն իմ գիտակցությունը»։
Ռուբինյանը հավելեց՝ հասկանալի չէ նաև այն, որ, ըստ ընդդիմադիրների մի մասի՝ իշխանությունը չպետք է ստորագրեր նոյեմբերի 9-ի փաստաթուղթը, իսկ ըստ մյուս մասի՝ իշխանությունը չի համաձայնել շուտ կանգնեցնել պատերազմը, որի արդյունքում նշյալ տարածքները կրկին հանձնվելու էին. «Սա ևս հանրային գիտակցության վիրավորում է»։
Մանրամասները՝ տեսանյութում:
