21.10.2026 | 12:56
Ֆրանսիայի վարչապետը կհանդիպի արհմիությունների հետ՝ քննարկելու անվտանգության հարցերը․ նոր բողոքի ցույցեր են սպասվում
Մենք վենդետաներ, վրեժխնդրություններ չենք ուզում, Սերժ Սարգսյանին կոչ եմ անում ընդունել մեր պայմանները. Նիկոլ Փաշինյան
Քաղաքականություն
21.04.2018 | 13:46
ԱԺ «Ելք» խմբակցության պատգամավոր, քաղաքացիական անհնազանդության առաջնորդ Նիկոլ Փաշինյանն անդրադարձել է ՀՀ վարչապետ Սերժ Սարգսյանի կոչին, որով նա անհապաղ երկոխության էր հրավիրում՝ անդառնալի կորուստներից խուսափելու համար: Նիկոլ Փաշինյանը նշեց, որ երկխոսության դեպքում պատրաստ է քննարկել միայն Սերժ Սարգսյանի՝ իշխանությունից հեռացման պայմանները:
«Մենք վենդետաներ, վրեժխնդրություններ չենք ուզում: Հայաստանում ներհայաստանյան թշնամանքի էջը փակված է, հանրության ներսում թշնամանք չպետք է հարուցենք: Սերժ Սարգսյանին կոչ եմ անում ընդունել մեր պայմանները: Հայաստանում «Մարտի 1-ը» չի կարող կրկնվել: Չեմ կարծում, որ կա ոստիկան, որը պատրաստ է մեզ վրա կրակել, հայ ազգի ցանկացած ներկայացուցչի կրակոց պետք է ուղղված լինի շփման գծից այն կողմ»,- ասաց Փաշինյանը:
Ընդդիմադիր գործիչը շեշտեց, որ բնավ ուլտիմատումով չի խոսում ու որևէ մեկին էլ խորհուրդ չի տալիս իրենց հետ այդպես խոսել: «Սա բխում է իրավիճակի սթափ գնահատականից»,-ասաց նա:
Տեսանյութը՝ շուտով:
