20.11.2024 | 19:15
Ինչ կփոխի Արփինե Սարգսյանի նշանակումը․ հարցում՝ Երևանում. ՏԵՍԱՆՅՈՒԹ
Ես ո՛չ ակտիվ, ո՛չ պասիվ անգործության չեմ մատնվելու․ Վահագն Խաչատուրյան. ՏԵՍԱՆՅՈՒԹ
Քաղաքականություն
03.03.2022 | 11:31
«Ես ո՛չ ակտիվ, ո՛չ պասիվ անգործության չեմ մատնվելու»,-ԱԺ ամբիոնից հայտարարեց ՀՀ նախագահի թեկնածու Վահագն Խաչատուրյանը վստահեցնելով, որ ընդհակառակը, շատ բուռն ստեղծագործ աշխատանք է ունենալու:
«Անելիքները շատ են, քաղաքական գործունեությունը նշանակում է միշտ ունենալ հակառակորդներ ու եթե չեն լինում, զարգացում ուղղակի չի լինելու», – ԱԺ-ում իր ամփոփիչ ելույթում նշեց Խաչատուրյանը:
Ըստ Խաչատուրյանի՝ ինքը չի խոսում օրենքի լավի ու վատի մասին, ինքը պարզապես կատարում է այդ օրենքը, իսկ եթե օրենքի լավի կամ վատի հետ կապված խնդիր կա, պետք է փորձել փոխել դա:
Նախագահի թեկնածուն շեշտեց՝ պարտավոր են բոլորի համար ապահովել հավասար պայմաններ. որևէ մեկը չպետք է սահմանափակվի, իհարկե, հաշվի առնելով օրենսդրությունն ու մյուս նորմերը:
Խաչատուրյանը նշեց, թե դժվար ճանապարհն անցնելու լավագույն լուծումներ են գտնելու, քանի որ հասկանում են իրենց պատասխանատվության չափը: «Ես հասկանում եմ, թե ինչ պատասխանատվություն եմ կրում ընդունած որոշումների համար, նույնիսկ, եթե դրանից դժգոհողներ կլինեն. իշխանությունը միայն նրա համար չէ, որ միշտ գովասանքներ լսի, դրական արձագանքներ ստանա», – հավելեց նախագահի թեկնածուն:
Մանրամասները՝ տեսանյութում:
