18.08.2026 | 16:56
Դնեպրոպետրովսկի մարզի 16 բնակավայրերից երեխաներով ընտանիքները հարկադիր տարհանվում են
Ես 1 ձայնի իրավունք ունեմ. Սուքիասյանը հերքում է, որ Խաչատուրյանի թեկնածությունն ինքն է առաջարկել․ ՏԵՍԱՆՅՈՒԹ
Քաղաքականություն
02.03.2022 | 16:00
«Ես կուսակցության վարչության անդամ չեմ, կուսակցական չեմ: Վահագն Խաչատուրյանի թեկնածությունը քննարկվել է կուսակցությունում: Հնարավոր է այլ թեկնածուներ էլ են եղել, և քաղաքական այդ համակարգի ընտրության արդյունք է եղել, որ նրա թեկնածությունն է անցել»,- այս մասին ԱԺ-ում լրագրողների հետ զրույցում ասաց «Քաղաքացիական պայմանագիր» կուսակցության պատգամավոր Խաչատուր Սուքիասյանը՝ անդրադառնալով դիտարկմանը, որ կա կարծիք, թե իր հովանու ներքո է ՀՀ նախագահի պաշտոնում Վահագն Խաչատուրյանի թեկնածությունն առաջադրվել:
«Ես, որպես խմբակցության անդամ, 1 ձայնի իրավունք ունեմ և քվեարկելու եմ Վահագն Խաչատուրյանի օգտին»,- նշեց պատգամավորը՝ հավելելով, որ Խաչատուրյանն անկուսակցական է, ՀՀ լավ քաղաքացի է, գրագետ է, քաղաքական համակարգում լավ ճանապարհ է անցել և պիտանի մարդ է ՀՀ համար:
Խաչատուր Սուքիասյանը համոզված է` նախագահի թեկնածուի հարցում ՔՊ-ի ընտրությունը ճիշտ է, քանի որ Վահագն Խաչատուրյանն իր անցած ճանապարհով շատ զգույշ մարդ է և հեռու է կոռուպցիոն գործարքներից:
Մանրամասները՝ տեսանյութում:
