20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
Նախագահը քաղաքական գործընթացներին միջամտելու լիազորություն չունի. Վլադիմիր Վարդանյան․ ՏԵՍԱՆՅՈՒԹ
Քաղաքականություն
02.03.2022 | 13:38
«Նախագահի ամենակարևոր լիազորությունը ֆիքսված չէ ո՛չ Սահմանադրության, ո՛չ որևիցե այլ փաստաթղթում. դա ՀՀ նախագահի հեղինակությունն է»,- ՀՀ նախագահի թեկնածու Վահագն Խաչատուրյանի ընտրության հարցի քննարկման ժամանակ ԱԺ ամբիոնից հայտարարեց «Քաղաքացիական պայմանագիր» խմակցության պատգամավոր Վլադիմիր Վարդանյանը:
Պատգամավորը նախագահի թեկնածուին կոչ արեց ընտրվելու դեպքում տարբերակում չանցկացնել իշխանության որևէ ճյուղի կամ իշխանության ու ընդդիմության միջև:
Վարդանյանը, խոսելով նախագահի լիազորություններից, նշեց, որ դրանք բավականին լուրջ են: «Նախագահը չունի քաղաքական լիազորություններ, չունի քաղաքական գործընթացներին միջամտելու լիազորություն, բայց նա ունի կարևորագույն լիազորություններ իրավական դաշտում:
Նախագահի կարևորագույն լիազորություններից է Սահմանադրության պահպանմանը հետևելը: Նրա խոսքը, գործը և լիազորությունները չպետք է շռայլվեն: Չափազանց կարևոր է նաև, որ հանրապետության նախագահի ցանկացած խոսք լինի պատեհ առիթով»,- նշեց պատգամավորը:
Մանրամասները՝ տեսանյութում:
