10.09.2026 | 17:01
1.45 մլրդ դրամ՝ Գյումրու թիվ 2 պոլիկլինիկայի հիմնանորոգման համար
Կարող եք ֆեյսբուքի կամ այլ միջոցներով տարածել նիստերը․ Աղաջանյանի խորհուրդը՝ ընդդիմությանը․ ՏԵՍԱՆՅՈՒԹ
Տեսանյութեր
01.03.2022 | 18:08
Մեր ընդդիմադիր գործընկերները խնդիր են բարձրացնում իրենց կողմից առաջարկվող նախագծերն ԱԺ լիագումար նիստերում չքննարկելու հետ կապված: Այս մասին ԱԺ այսօրվա նիստում նշեց «Քաղաքացիական պայմանագիր» խմբակցության պատգամավոր Հայկ Աղաջանյանը:
«Գլխադասային հանձնաժողովների բաց նիստերի ժամանակ, որոնք ուղիղ եթերով հեռարձակվում են, մենք երկար, բովանդակային քննարկումներ ենք ունենում, բոլոր մանրամասները քննարկում ենք, հնչում են տարբեր ամենասուր կարծիքներ, և որևէ սահմանափակում չունեք: Հարց է առաջանում՝ ինչով է պայմանավորված ԱԺ լիագումար նիստերում այդ հարցերը քննարկելու հետ կապված ձեր սկզբունքային այս դիրքրորշումը: Սա ԱԺ կանոնակարգ օրենքով սահմանված ընթացակարգ է, եթե խնդիր եք տեսնում, գործընթաց սկսեք, որպեսզի այս դրույթը փոխվի և հնարավոր չլինի որևէ նախագիծ մերժել գլխադասային հանձնաժողովներում:
Ես ենթդրում եմ, որ ձեր իրական նպատակն այն է, որ առավել լայն հանրային արձագանք ստանան ձեր նախագծերը: Իմ խորհուրդը ձեզ՝ կարող եք ֆեյսբուքի կամ այլ նմանատիպ միջոցներով տարածել նիստերը»,- դիմելով ընդդիմադիր խմբակցությունների պատգամավորներին՝ նշեց Աղաջանյանը:
Մանրամասները՝ տեսանյութում:
