10.09.2026 | 21:58
Սանկտ Պետերբուրգում Ադրբեջանի նախկին գլխավոր հյուպատոսը մեղադրվում է ոսկու մաքսանենգության մեջ
Բանակի խնդիրների մասին չի խոսվել, որ թշնամին չիմանա, բայց պարզվեց՝ թշնամին շատ լավ գիտեր. Հայկ Սարգսյան․ ՏԵՍԱՆՅՈՒԹ
Քաղաքականություն
01.03.2022 | 18:32
«Բազմիցս հայտարարել եմ, որ բանակի խնդիրների մասին մշտապես լիարժեք չի խոսվել»,- Factor.am-ի հետ զրույցում այս մասին նշեց «Քաղաքացիական պայմանագիր» խմբակցության պատգամավոր Հայկ Սարգսյանը՝ անդրադառնալո հարցերին, թե բանակի խնդիրների մասին խոսելու կաշկանդվածություն կա՞, մինչ այժմ բավարար կերպով խոսվե՞լ է այդ մասին:
«Բանակը միշտ պահել ենք առանձին, համարել ենք, որ բանակի խնդիրների մասին ինչքան քիչ խոսենք, այդքան լավ, չարժե այդ խնդիրների մասին բաձրաձայնել, հրապարակայնացնել, որ թշնամին չիմանա ու չփորձի մեզ վրա հարձակվել: 30 տարիների փորձը ցույց տվեց, որ մենք թեև բանակի խնդիրների մասին չխոսեցինք, որ թշնամին չիմանա, բայց պարզվեց, որ թշնամին շատ ավելի լավ գիտեր այդ մասին, և նաև դրանով էր պայմանավորված 2020թ. պատերազմի սանձազերծումը:
Եթե մենք մեզ համար ավելի շատ խոսեինք բանակի թուլությունների մասին, որպեսզի սխալներն ուղղեինք, շատ ավելի լավ պատկեր կլիներ:
Ես չեմ ցանկանում, որ նույն սխալները կրկնենք: Նաև քննիչ հանձնաժողովը թույլ կտա վեր հանել մեր սխալները: Կարևոր է ոչ թե այն, որ մի քանի հոգի կարող են ծուլանալու կամ թերանալու պատճառով պատասխանատվության ենթարկվել, այլ գերնպատակը պետք է լինի սխալները վեր հանելը, որ հետագայում մեր սխալները չկրկնենք և հնարավոր հաջորդ էսկալացիաների ժամանակ լինենք ավելի պատրաստված»:
Մանրամասները՝ տեսանյութում:
