18.08.2026 | 14:07
ՄԻՊ-ը մտահոգիչ է համարում նորածնի լուսանկարների և տեսանյութերի տարածում, որոնք արվել են բուժօգնություն ստանալու ընթացքում
Ընդդիմությունն օրակարգ ունի՞. Աղվան Վարդանյանի արձագանքը․ ՏԵՍԱՆՅՈՒԹ
Քաղաքականություն
01.03.2022 | 12:44
Իշխանության ներկայացուցիչները պնդում են, որ ընդդիմությունը չունի օրակարգ, չունի ասելիք և որպես հիմնավորում նշում են, որ 44-օրյա պատերազմի հանգամանքներն ուսումնասիրող հանձնաժողովի աշխատանքներին չեն մասնակցում, նախագահի ընտրությունները բոյկոտում են: Այսօր խորհրդարանական ճեպազրույցի ժամանակ «Հայաստան» խմբակցության պատգամավոր Աղվան Վարդանյանն անդրադարձավ Factor.am-ի այս դիտարկմանը և հարցին՝ ընդդիմությունն ունի՞ օրակարգ:
«Դուք ինձ կարո՞ղ եք ասել՝ ո՞րն է այս իշխանության օրակարգը: Այս իշխանության օրակարգը պետք է լիներ մեր ազգային պետական շահերը պաշտպանելը, մեր անվտանգությունը և մեր քաղաքացիների բարեկեցությունն ապահովելը. այդ օրակարգով են եկել, իսկ ի՞նչ են արել… Եթե դուք ինձ բացատրեք, թե որն է այս իշխանության օրակարգը իմ նշած ոլորտներում, ես էլ կասեմ՝ ընդհակառակը, ընդդիմությունն ունի իր օրակարգը. ԱԺ պատգամավորների հիմնական գործառույթը օրենսդրական աշխատանքն է: Ես այս վեց-յոթ ամիսների ընթացքում իմ և խմբակցության անունով պատրաստել եմ 12-13 օրենքի նախագիծ: Այս նախագծերն արդյո՞ք օրակարգ չեն, արդյո՞ք չեն առնչվում ՀՀ քաղաքացիների առնվազն 25-30 տոկոսի ամենօրյա կյանքին… Ամենաանպտուղ, անկարող կառավարությունը խոսում է ընդդիմության օրակարգ չունենալու մասին»,- նշեց Վարդանյանը:
Մանրամասները՝ տեսանյութում:
