09.02.2026 | 16:30
ԱՄՆ փոխնախագահի այցով պայմանավորված մետրոյի «Մարշալ Բաղրամյան» կայարանում փետրվարի 9-ին գնացքները մի քանի ժամ կանգառ չեն կատարի
Բաքվում շարունակվել է երկու հայ ռազմագերիների դատավարությունը․ դատախազը 20 և 19 տարվա ազատազրկում է պահանջել
Հասարակություն
28.02.2022 | 14:38
Ադրբեջանում այսօր շարունակվել է հայ ռազմագերիներ Իշխան Աշոտի Սարգսյանի և Վլադիմիր Օթարի Ռաֆայելյանի շինծու գործով ապօրինի դատավարությունը, որոնց Բաքուն մեղադրում է ահաբեկչության մեջ։
Ադրբեջանական լրատվամիջոցների հաղորդմամբ՝ դատական նիստը տեղի է ունեցել Բաքվի Սաբունչիի շրջանային դատարանում, ելույթ է ունեցել դատախազը։
Պետական մեղադրողը պահանջել է Իշխան Սարգսյանին դատապարտել 20, իսկ ահա Վլադիմիր Ռաֆայելյանին՝ 19 տարվա ազատազրկման։ Բացի այդ, մեղադրողը նաև պահանջել է, որ հայ գերիները պատիժը կրեն խիստ ռեժիմի հաստատությունում, իսկ «պատժի կրումից հետո վտարվեն Ադրբեջանի տարածքից»։
Հաջորդ նիստը տեղի է ունենալու մարտի 7-ին։
Էմմա Չոբանյան
