06.10.2026 | 18:30
Ալեն Սիմոնյանն ընդունել է Հայաստանում դիվանագիտական առաքելությունն ավարտող Լյուքսեմբուրգի դեսպանին
Դատավոր Ռշտունու նկատմամբ իրականացվում է ուղղորդված և խտրական հետապնդում. Սիրանուշ Սահակյան․ ՏԵՍԱՆՅՈՒԹ
Հասարակություն
28.02.2022 | 14:10
Բարձրագույն դատական խորհրդում քննվում է Վերաքննիչ քրեական դատարանի դատավոր Վազգեն Ռշտունուն կարգապահական պատասխանատվության ենթարկելու վերաբերյալ միջնորդությունը:
«Դատավոր Վազգեն Ռշտունուն կարգապահական պատասխանատվության ենթարկելու միջնորդության քննությանը, դրա ընթացքում փաստաթղթերի հետազոտությունը, տրված հարցերի պատասխանները և ներկայացված դիրքորոշումները միանշանակ և անվերապահ հաստատեցին, որ դատավոր Վազգեն Ռշտունուն կարգապահական պատասխանատվության ենթարկելու միջնորդությունը ենթակա է մերժման»,- միջնորդության քննության ժամանակ նշեց Վազգեն Ռշտունու ներկայացուցիչ Սիրանուշ Սահակյանը։
Նա նշեց, որ դրա համար առկա են ավելի քան բավարար փաստական և իրավական հիմքեր. «Նախ բացակայել է կարգապահական վարույթ հարուցելու առիթը, քանի որ Դատական օրենսգրքի 146-րդ հոդվածի 1-ին մասում նշված աղբյուրներից ոչ մեկից ենթադրյալ կարգապահական խախտման վերաբերյալ հաղորդում չի ստացվել, ավելին՝ կարգապահական վարույթի հարուցմանը նախորդող ողջ գործընթացը եղել է ոչ իրավաչափ և խտրական»։
Սահակյանի դիտարկմամբ՝ օրենքը չի նախատեսում վարույթ հարուցող մարմնի կողմից դատավորների գործունեության առնչությամբ ուսումնասիրություն պատվիրելու և դրա հիման վրա վարույթ հարուցելու հնարավորություն։
Փաստաբանի խոսքով՝ միջնորդության և քննության արդյունքում հիմնավորվել է, որ դատավորին վերագրվող արարքում իսկապառ բացակայում են նրան պատասխանատվության ենթարկելու հիմքերը:
Մանրամասները՝ տեսանյութում:
