12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
Ի՞նչ ռիսկ կա, եթե ես գնամ ՔԿՀ՝ պատգամավորի տեսակցելու. Աղվան Վարդանյանը՝ փոխնախարարին․ ՏԵՍԱՆՅՈՒԹ
Քաղաքականություն
28.02.2022 | 11:44
Ի՞նչ ռիսկեր կարող են լինել՝ կապված ՔԿՀ պատգամավորի այցի հետ, երբ պատգամավորը տեսակցում է կալանավորվածին՝ նախաքննության փուլում և դատաքննության փուլում: ԱԺ Պետաիրավական հարցերի մշտական հանձնաժողովի այսօրվա նիստում «Հայաստան» խմբակցության պատգամավոր Արամ Վարդևանյանի ներկայացրած՝ Ձերբակալվածների և կալանավորված անձանց պահելու մասին նախագծի քննարկման ժամանակ այս հարցը արդարադատության փոխնախարար Արփինե Սարգսյանին ուղղեց «Հայաստան» խմբակցության պատգամավոր Աղվան Վարդանյանը:
«Եթե պատգամավորն այցելում է ՔԿՀ, տեսակցում է պատգամավորին, արդարադատությանը սպառնացող ի՞նչ ռիսկեր կարող են առաջանալ: Ի՞նչն է պատճառը, որ դատաքննության փուլում տեսակցությունն արգելված է: Արդյո՞ք Արդարադատության նախարարությունը չի մտածում մի օրենսդրական նախաձեռնությամբ հանդես գալ և այնպիսի չափանիշներ սահմանել, թե որ եզակի դեպքերում քննիչն իրավունք ունի տեսակցություններն արգելել»,- հետաքրքրվեց պատգամավորը:
«Իքս անձի այցելությունը կարող է, օրինակ, բերել քննության ընթացքի լրիվ շեղման, կարող է այնպիսի ինֆորմացիայի փոխանակություն լինել, որը կարող է հանգեցնել քննութան այնպիսի ընթացք ունենալուն, որն այդպես չէր լինի, եթե տեսակցության հնարավորություն չտրամադրվեր
Չի բացառվում, որ ընթացող քննության պրոցեսում որոշ գործառույթների տեսակցությունները կխանգարեն:
Ընդ որում՝ քննիչի վրա կա պարտավորություն՝ պատճառաբանելու, թե ինչպես կտուժի քննության շահը, եթե ընդհանուր տեսակցությունները թույլատրվեն»,- պատասխանեց փոխնախարարը:
Մանրամասները՝ տեսանյութում:
