17.01.2026 | 18:22
ՀՀ տարածքում կան փակ ավտոճանապարհներ
Դատավորների ընդհանուր արտահերթ ժողովը տապալվեց. 89 դատավոր էր ներկայացել․ ՏԵՍԱՆՅՈՒԹ
Հասարակություն
25.02.2022 | 16:02
Դատավորների՝ այսօր հրավիրված արտահերթ ընդհանուր ժողովը տապալվեց․ այն չկայացավ քվորումի բացակայության պատճառով։ Ներկա էր 89 դատավոր, մինչդեռ անհրաժեշտ էր 129 դատավորի մասնակցություն։
Դեռ երեկվանից լուրեր էին պտտվում, որ դատավորներին ուղղորդում են չմասնակցել ժողովին։ Դատավորների միության նախագահ Ալեքսանդր Ազարյանը, սակայն, դատավորների նկատմամբ ճնշումների մասին որևէ ահազանգ չի ստացել։
«Չեմ կարող ասել՝ այս օրակարգով կրկին կհրավիրվի՞ ժողով, թե՞ ոչ։ Ինչ վերաբերում է ճնշումներին, պետք է անձը ճնշվող լինի, որ ճնշեն»,- նշեց Ազարյանը։
Հիշեցնենք՝ դատական համակարգի նկատմամբ ենթադրյալ ճնշումների և դատավորների նկատմամբ հետապնդումների առիթով 93 դատավոր ստորագրահավաք էր իրականացրել, և դիմելով Վճռաբեկ դատարանի նախագահ Լիլիթ Թադևոսյանին՝ միջնորդել հրատապ դատավորների արտահերթ ընդհանուր ժողով հրավիրել: Օրակարգում քննարկման առարկա պետք է լիներ լիազորությունները կասեցված դատավոր Բորիս Բախշիյանի նկատմամբ իրականացվող քրեական հետապնդումը, ինչպես նաև դատական իշխանության և դատավորների նկատմամբ ճնշումները։
Մանրամասները՝ տեսանյութում։
