12.12.2024 | 11:55
Կոմիտասի պողոտայում մեքենաներ են բախվել․ տուժածները հոսպիտալացվել են
ԲԴԽ նիստում դատավորի թեկնածուից ճշտում են՝ ինչու է ժողով գումարելու դիմումի տակ ստորագրել. դատավոր․ ՏԵՍԱՆՅՈՒԹ
Հասարակություն
25.02.2022 | 15:10
«Եթե ԲԴԽ նիստում դատավորի թեկնածուին պաշտոնական հարցազրույցի ժամանակ հարցնում են, թե Դատավորների արտահերթ ընդհանուր ժողով գումարելու համար 93 ստորագրողներից մեկը դու ես, արդյոք քո կամքով ես ստորագրել կամ ինչի ես ստորագրել, ապա ենթադրում եմ՝ սպասելի էր, որ ժողովը այսօր չկայացավ»,- այս մասին, այսօր լրագրողների հետ զրույցում նշեց Երևանի ընդհանուր իրավասության դատարանի դատավոր Դավիթ Հարությունյանը՝ անդրադառնալով դիտարկմանը, որ այսօր նախատեսված Դատավորների արտահերթ ընդհանուր ժողովը չկայացավ:
Հարցին՝ դատավորների նկատմամբ ճնշո՞ւմ է գործադրվել, որ այս ժողովը տապալվի, նա պատասխանեց. «Այս ժողովը գումարվել էր, որ հենց տապալվի, կանխվի, չեզոքացվի դատավորների նկատմամբ ճնշումը»:
Դատավորը հնարավոր համարեց, որ նույն օրակարգով դատավորների ժողով կհրավիրվի, հավելելով, որ մեկ անգամ ժողովի չկայանալ դեռ ոչինչ չի նշանակում:
Մանրամասները՝ տեսանյութում:
