18.12.2025 | 14:12
Կճոյանը կդառնա՞ կաթողիկոսական տեղապահ․ Փաշինյանի արձագանքը․ ՏԵՍԱՆՅՈՒԹ
Գագիկ Ջհանգիրյանի կողմից ԲԴԽ անդամների նկատմամբ ճնշումներ կա՞ն. պարզաբանում է դատավոր Չիչոյանը. ՏԵՍԱՆՅՈՒԹ
Հասարակություն
25.02.2022 | 14:40
Գագիկ Ջհանգիրյանը ցանկության դեպքում էլ չի կարող որևէ ճնշում գործադրել։ Գագիկ Ջհանգիրյանն էլ ունի ձայնի մեկ իրավունք, ինչպես ԲԴԽ մյուս անդամները։ Այս մասին լրագրողների հետ զրույցում ասաց ԲԴԽ դատավոր անդամ Սերգեյ Չիչոյանը՝ անդրադառնալով Սյունիքի մարզի ընդհանուր իրավասության դատարանի դատավոր Բորիս Բախշիյանի նկատմամբ քրեական հետապնդում իրականացնելու և նրան ազատությունից զրկելու՝ գլխավոր դատախազի միջնորդությունները ԲԴԽ-ի կողմից բավարարելուն։
«Քննադատություններին առողջ, ողջամիտ ձևով եմ անդրադառնում և գտնում եմ, որ Բարձրագույն դատական խորհուրդը դատավոր Բորիս Բախշիյանի նկատմամբ որոշումը կայացրել է օբյեկտիվ փաստական հանգամանքներից ելնելով»,- նշեց նա։
Անդրադառնալով դատավորների նկատմամբ կարգապահական վարույթների թվի աճին և դատավոր Վազգեն Ռշտունու հայտարարությանը, որ թիրախավորում կա, Սերգեյ Չիչոյանը նշեց, որ ինքը՝ որպես ԲԴԽ անդամ, Վազգեն Ռշտունու գործով որևէ թիրախավորում չի տեսել։
Հարցին՝ խոսակցություններն անտեղի՞ են՝ Չիչոյանն արձագանքեց․ «Շատ իզուր են դատական, փաստաբանական կամ իրավաբանական համայնքները նման կարծիք կազմում, Բարձրագույն դատական խորհրդի հնարավորությունների սահմաններում ինչպես դատավորները, այնպես էլ գիտնական անդամներն աշխատում են օբյեկտիվ և անաչառ»։
Մանրամասները՝ տեսանյութում։
