12.01.2025 | 13:05
Արտարժույթների փոխարժեքները՝ հունվարի 12-ի դրությամբ
Ռուս միլիարդատերերը 39 մլրդ դոլար են կորցրել մեկ օրում. Bloomberg
Տնտեսություն
25.02.2022 | 14:39
Ռուսաստանի ամենահարուստ մարդիկ լուրջ կորուստներ են կրում․ հաղորդում է Bloomberg գործակալությունը։ Գործակալության հաշվարկներով 24 ժամից էլ քիչ ժամանակում նրանք կորցրել են 39 միլիարդ դոլար: Ռուսաստանի հիմնական MOEX Russia Index-ը Մոսկվայում փակվել է 33%-ով ցածր, ինչը ֆոնդային շուկայի պատմության մեջ հինգերորդ ամենամեծ անկումն է տեղական արժույթով: 1987-ի «Սև երկուշաբթիից» հետո սա առաջին դեպքն է, երբ նման կարգի անկումը հարվածել է ավելի քան 50 միլիարդ դոլար արժողությամբ շուկայի:
Լրատվամիջոցը գրում է, որ Երկրորդ համաշխարհային պատերազմից ի վեր Եվրոպայում անվտանգության վատթարագույն ճգնաժամերից մեկը սպառնում է խորացնել շուկայի անկումը տարածաշրջանում, բայց հատկապես Ռուսաստանում, որը ենթարկվել է ԱՄՆ-ի և Մեծ Բրիտանիայի պատժամիջոցներին։ Մի քանի միլիարդատերեր, այդ թվում՝ Գենադի Տիմչենկոն, նույնպես պատժամիջոցների տակ է Պուտինի հետ, կոչեր էլ կան ընդլայնելու պոտենցիալ թիրախների շրջանակը։
«ԱՄՆ-ում և Եվրոպայում շատ մարդիկ կան, որոնք ցանկանում են ուղղակիորեն հարվածել նրանց։ Չեմ կարծում նրանց համար պատժամիջոցների հարցում լավ նորություն կա»»,-լրատվամիջոցին ասել է Թաֆթսի համալսարանի Ֆլետչերի դպրոցի Ռուսաստանի և Եվրասիայի ծրագրի տնօրեն Քրիս Միլլերը:
Վագիտ Ալեքպերովը, որը Lukoil ընկերության ղեկավարն է ամենամեծ վնասն է կրել։ Մեկ օրում նրա կարողությունը նվազել է 6,2 մլրդ դոլարով՝ հասնելով 13 մլրդի։ Severstal ընկերության նախագահ Ալեքսեյ Մորդաշովը կորցրել է 4,2 միլիարդ դոլար․ այժմ նրա կարողությունը կազմում է 23 միլիարդ դոլար։ Վլադիմիր Պոտանինը, որը ՌԴ-ի ամենահարուստ մարդն է, կորցրել է 3 մլրդ դոլար։
Ալեքպերովն ու Տիմչենկոն այս տարի կորցրել են մոտ 10 մլրդ դոլար կամ իրենց կարողության ավելի քան 40 տոկոսը։
Էմմա Չոբանյան
