15.10.2026 | 00:05
NATO-ի նավատորմին ծառայություններ մատուցող ընկերությունը կասկածվում է 1 միլիոն եվրոյի խարդախության մեջ
Ոստիկանության տվյալներով այսօր բերման է ենթարկվել 16 քաղաքացի
Հասարակություն
20.04.2018 | 10:28
Այսօր ժամը 9:00-ի դրությամբ բերման են ենթարկվել 16 քաղաքացի: Այս մասին Factor.am-ին փոխանցեց ՀՀ ոստիկանության հասարակայնության հետ կապերի և լրատվության վարչության պետ Աշոտ Ահարոնյանը: Ահարոնյանը, սակայն, չհստակեցրեց՝ կան արդյոք բերման ենթարկվածների մեջ կանայք և անչափահասներ՝ նշելով, որ այդ մասին ավելի ուշ տեղեկատվություն կտրամադրվի:
Նշենք, որ այսօր առավոտյան Հանրապետության հրապարակից ոստիկանները բերման են ենթարկել նաև «Մերժիր Սերժին» նախաձեռնության անդամ Դավիթ Սանասարյանին:
Հիշեցնենք՝ այսօր ութերորդ օրն է՝ ինչ շարունակվում է ԱԺ «Ելք» խմբակցության ղեկավար, «Քաղաքացիական պայմանագիր» կուսակցության վարչության անդամ Նիկոլ Փաշինյանի ղեկավարած ընդդիմադիր շարժման պայքարն՝ ընդդեմ Սերժ Սարգսյանի և Հանրապետական կուսակցության:
