17.12.2025 | 17:03
Մհեր Գրիգորյանն ընդունել է Ալեքսեյ Օվերչուկին․ ստորագրվել են մի շարք երկկողմ փաստաթղթեր
Քննարկում ենք` փակ տարածքում պարտադիր դիմակ կրելու պահանջը հանել. Նիկոլ Փաշինյան․ ՏԵՍԱՆՅՈՒԹ
23.02.2022 | 11:20
«Նկատում ենք կորոնավիրուսով պայմանավորված իրավիճակի որոշակի կայունացում»,- այս մասին Կառավարության նիստի ընթացքում նշեց ՀՀ վարչապետ Նիկոլ Փաշինյանը՝ առողջապահության նախարարին խնդրելով ներկայացնել վիճակագրությունը։
«Վերջին շաբաթների տենդենցը մեզ հուշում է, որ մենք գնում են կայուն նվազման։ Կարծես, «Դելտա» շտամը դուրս է մղվել «Օմիկրոն» շտամի ազդեցության ներքո»,- նշեց Անահիտ Ավանեսյանը։
Նախարարի խոսքով՝ այն քաղաքացիները, ովքեր պատվաստված չեն, ունեն խրոնիկ հիվանդություններ, ունենում են հիվանդության ծանր ընթացք։
«Պատվաստման առումով պետք է շարունակենք զգոնությունը պահպանել, մանավանդ՝ տարեց և խրոնիկ հիվանդություններով քաղաքացիների պատվաստումներն օր առաջ կազմակերպել»,- ասաց Ավանեսյանը։
Նախարարի խոսքով՝ Հայաստանում առաջին դեղաչափով պատվաստվել է 1 միլիոն 80 հազար 715 քաղաքացի, որը կազմում է մեծահասակ բնակչության 47․9 տոկոսը։
«Երկրորդ դեղաչափն ստացել է, այսինքն՝ ամբողջությամբ պատվաստվել է 905 հազար 624 քաղաքացի, որը կազմում է 40 տոկոսսը: Խթանիչ դեղաչափով պատվաստումների թիվը 20 հազար 169 է»,- նշեց Ավանեսյանը։
Ինչ վերաբերում է հիվանդանոցների բեռնվածությանը, ապա, Ավանեսյանի խոսքով, մահճակալների կրճատման գործընթաց է սկսվել։
Վարչապետ Նիկոլ Փաշինյանը տեղեկացրեց, որ քննարկվում է դիմակների պարտադիր կրման պահանջը հանելու հարցը։
«Նույնիսկ փակ տարածքներում դիմակը ոչ թե պարտադիր կրման ռեժիմում կունենանք, այլ խորհուրդ կտրվի կրել դիմակ»,-նշեց Փաշինյանը։
Մանրամասները՝ տեսանյութում:
