19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
Դաշնակցային նոր համաձայնագրով՝ ՌԴ-ն և Ադրբեջանը միմյանց ռազմական օգնություն կցուցաբերեն, կհամագործակցեն ռազմատեխնիկական ոլորտում
Քաղաքականություն
22.02.2022 | 21:14
Ռուսաստանի և Ադրբեջանի նախագահներ Վլադիմիր Պուտինն ու Իլհամ Ալիևն այսօր ստորագրեցին դաշնակցային համագործակցության նոր հռչակագիրը։ Նոր պայմանագրով նախատեսվում է, որ կողմերը պայմանավորվում են դիտարկել միմյանց ռազմական օգնություն տրամադրելու հնարավորությունը՝ անվտանգության և կայունության ապահովման համար։
«Անվտանգության ապահովման, խաղաղության և կայունության պահպանման համար ՌԴ-ն և Ադրբեջանը դիտարկում են միմյանց ռազմական օգնություն ցուցաբերելու հնարավորությունը՝ ՄԱԿ-ի կանոնադրության, առանձին միջազգային պայմանագրերի հիման վրա, կողմերից յուրաքանչյուրի միջազգային իրավական պարտավորությունները հաշվի առնելով»,- ասվում է փաստաթղթում։
Բացի այդ, կողմերը ձեռնպահ են մնում միմյանց դեմ ուղղված ցանկացած գործողություններից, այդ թվում՝ երրորդ պետությունների միջոցով իրականացվող գործողություններից։
Կողմերը նաև պայմանավորվել են զարգացնել ռազմատեխնիկական համագործակցությունը։
«Կողմերը, հաշվի առնելով ռազմատեխնիկական համագործակցության բարձր մակարդակը, կփոխգործակցեն ժամանակակից սպառազինության և ռազմական տեխնիկայի հագեցվածության, ինչպես նաև այս ոլորտում փոխադարձ հետաքրքրություն ներկայացնող այլ հարցերում»,- ասվում է փաստաթղթում։
Էմմա Չոբանյան
