29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Ախուրյանի գյուղերը կգազաֆիկացվեն
Հասարակություն
22.02.2022 | 22:07
Շիրակի մարզպետարանը Հայաստանի տարածքային զարգացման հիմնադրամի (նախկին Սոցներդրումների հիմնադրամ) հետ քննարկում է Շիրակի մարզի գյուղերը գազաֆիկացնելու հարցը։
«Այս փուլում թիրախում ենք պահում Ախուրյանի տարածաշրջանը, որովհետև չգազաֆիկացված համայնքներ կան։ Դիցուք՝ Բայանդուրը և Երազգավորսը իրար կողքի են գտնվում, մի քանի կիլոմետրի խնդիր է գազատար խողովակ անցկացնելը, որի լուծելիության դեպքում կգազաֆիկացվի նաև Երազգավորսը։ Չգազաֆիկացված այլ համայքները ևս ունենք», – ասաց Շիրակի մարզպետ Նազելի Բաղդասարյանը։
Նա տեղեկացրեց, որ այս աշխատանքները համակարգելու է Շիրակի փոխմարզպետներից մեկը՝ Ալբերտ Այվազյանը, որը երեկ քննարկում է ունեցել հիմնադրամի տնօրենի հետ:
«Բնակավայրերից կոնկրետ Ախուրյանի դեպքում կփորձենք գործն ավարտին հասցնել և լուծել այն համայնքների խնդիրը, որոնց գազաֆիկացման հարցը տարիներով չի լուծվել», -ասաց մարզպետը։
Նշենք, որ Բայանդուրը գազաֆիկացվել է 2020 թվականի դեկտեմբերին, 180 մլն դրամ արժողությամբ ծրագիրն իրականացվել է կառավարություն-համայնք համաֆինանսավորմամբ՝ 65% -35% հարաբերակցությամբ։ Ախուրյանի տարածաշրջանի մի համայնքներից գազաֆիկացված չեն Երազգավորսը, Ղարիբջանյանը, Գետքը, Ախուրիկը, Ոսկեհասկը, իսկ Առափիի մի թաղամասն է գազաֆիկացված։
Արմիկ Մովսիսյան
