05.03.2026 | 00:15
Կառավարությունը 4 մլն դրամ կհատկացնի 44-օրյա պատերազմի ընթացքում ծանր վիրավորում ստացած զինծառայողի բուժման համար
ՌԴ Դաշնային խորհուրդը նույնպես վավերացրել է ինքնահռչակ Դոնեցկի և Լուգանսկի և Դոնեցկի հանրապետությունների հետ բարեկամության պայմանագրերը
Քաղաքականություն
22.02.2022 | 18:00
ՌԴ Դաշնային խորհուրդն այսօր կայացած նիստում միաձայն վավերացրել է ինքնահռչակ Դոնեցկի և Լուգանսկի ժողովրդական հանրապետությունների հետ բարեկամության, համագործակցության և փոխօգնության պայմանագրերը, գրում է Ինտերֆաքսը։
Վավերացված օրենքները պետք է ուժի մեջ մտնեն պաշտոնական հրապարակման պահից։
Լուգանսկի ու Դոնեցկի հետ ՌԴ համաձայնագրերը նախատեսում են, որ կողմերը դրանք կնքում են 10 տարով՝ ավտոմատ երկարաձգմամբ, մինչդեռ փաստաթղթերը ենթադրում են հետագա առանձին պայմանագրերի կնքում տարբեր ոլորտներում` ռազմական և գիտատեխնիկականից մինչև սոցիալական:
Բարեկամության, համագործակցության և փոխօգնության մասին երկկողմ պայմանագրերի տեքստերը ենթադրում են Ռուսաստանի հետ սահմանների համատեղ պաշտպանություն և ռազմակայանների ու ռազմական ենթակառուցվածքների օգտագործման հնարավորություն։
Առանձին հոդվածով սահմանվում է, որ կողմերը հարգում են Ռուսաստանի Դաշնության և ինքնահռչակ Լուգանսկի ու Դոնեցկի հանրապետությունների առկա սահմանների տարածքային ամբողջականությունն ու անձեռնմխելիությունը, մինչդեռ պետական սահմանի պաշտպանությունը կիրականացվի «պայմանավորվող կողմերի համատեղ ջանքերով՝ ելնելով սեփական անվտանգության, ինչպես նաև խաղաղության և կայունության շահերից»։
Տաթև Ֆռանգյան
