09.02.2026 | 20:39
Մեր նախագահն աշխատում է Իրանի հետ փոխշահավետ համագործակցության գալու համար․ Վենս. ՏԵՍԱՆՅՈՒԹ
Էրդողանը հայտարարել է, որ անընդունելի է համարում ՌԴ-ի կողմից Դոնեցկի և Լուգանսկի ճանաչման որոշումը
Քաղաքականություն
22.02.2022 | 15:40
Թուրքիան անընդունելի է համարում ՌԴ-ի կողմից Դոնեցկի և Լուգանսկի ինքնահռչակ հանրապետությունների ճանաչումը։ Այս մասին հայտարարել է Թուրքիայի նախագահ Ռեջեփ Թայիփ Էրդողանը Աֆրիկայի երկրներ այցի ընթացքում իրեն ուղեկցող լրագրողներին, գրում են թուրքական լրատվամիջոցները։
«Վերջին զարգացումների վերաբերյալ մեր ԱԳՆ հայտարարության մեջ նշվում է, որ Ռուսաստանի որոշումը՝ ճանաչել, այսպես կոչված, Դոնեցկի և Լուգանսկի Հանրապետությունները, հակասում է Մինսկի համաձայնագրերին։ Ընդգծվել է, որ այս որոշումն Ուկրաինայի քաղաքական միասնության, ինքնիշխանության և տարածքային ամբողջականության ակնհայտ խախտում է։ Մենք անընդունելի ենք համարում Ռուսաստանի այս որոշումը։ Մենք կրկնում ենք մեր կոչը կողմերին ՝ ցուցաբերել ողջախոհություն և հարգել միջազգային իրավունքը»,- ասել է Էրդողանը։
Բացի այդ, նա նշել է, որ Թուրքիան, որպես Սևծովյան տարածաշրջանի երկիր, նախապատրաստում և իրականացնում է մի շարք միջոցառումներ՝ կապված Ռուսաստանի Դաշնության և Ուկրաինայի միջև լարվածության թուլացման հետ։
Էրդողանը նաև դրական է արձագանքել Ուկրաինայի նախագահ Վլադիմիր Զելենսկիի այն առաջարկին, որ համատեղ գագաթնաժողով տեղի ունենա ՄԱԿ-ի Անվտանգության խորհրդի անդամների ու Թուրքիայի և Գերմանիայի մասնակցությամբ։ Նա նշել է, որ եթե ՄԱԿ-ի ԱԽ անդամներն ու մյուս երկրները դրական արձագանքեն այդ առաջարկին, Թուրքիան կմասնակցի գագաթնաժողովին։
Էմմա Չոբանյան
