12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
Ռոբերտ Քոչարյանի պաշտպանները պահանջում են կասեցնել գործի վարույթը և կրկին դիմել ՍԴ․ ՏԵՍԱՆՅՈՒԹ
Հասարակություն
22.02.2022 | 15:25
ՀՀ երկրորդ նախագահ Ռոբերտ Քոչարյանի պաշտպաններն այսօր միջնորդություն են ներկայացրել՝ գործի վարույթը կասեցնելու և ՍԴ դիմելու մասին։
Հիշեցնենք՝ նախորդ դատական նիստին մեղադրող դատախազները հրապարակել են գործով մեղադրական եզրակացությունը։ Ռոբերտ Քոչարյանի պաշտպանները հայտարարել են, որ մեղադրանքը պարզ չէ, հասկանալի չէ և խնդրել են պարզաբանել այն, սակայն պարզաբանում չի տրվել։
Դատական նիստից հետո լրագրողների հետ զրույցում ՀՀ երկրորդ նախագահ Ռոբերտ Քոչարյանի փաստաբան Հայկ Ալումյանը նշեց, որ մեղադրանքի բովանդակության հետ կապված խնդիր կա:
«Երբ կաշառքի հետ կապված որևէ մեղադրանք է առաջադրվում, ապա պարտադիր պայման է, որ շարադրվի, որ այսինչ պաշտոնատար անձը արել է այսինչ բանը հօգուտ ինչ-որ մեկի՝ իր ինչ-որ լիազորություն օգագործելով: Մեղադրանքը պետք է պարզ լինի, որ մարդը կարողանա պաշտպանվել…
Մեղադրանքի մեջ չեք կարող կարդալ՝ ի՞նչի դիմաց է Սիլվա Համբարձումյանից գումար վերցրվել, նախագահի ո՞ր լիազորությունների հետ կապված է տրվել այդ գումարը, ըստ մեղադրանքի, նախագահին»,- նշեց փաստաբանը:
Մանրամասները՝ տեսանյութում:
