17.12.2025 | 10:42
Համաձայնագիրը խաղաղության հիմքն է, եթե կա բարի կամք և փոխադարձ հարգանք. իսպանացի պատգամավորը՝ Երևան-Բաքու երկխոսության մասին
Պանդեմիայի ավարտի մասին խոսելը վաղ է. նոր ենթատեսակի մասին շատ բան հայտնի չէ. Ռոմելլա Աբովյան․ ՏԵՍԱՆՅՈՒԹ
22.02.2022 | 13:23
ՀՀ-ում արդեն շրջանառվում է նաև COVID-19 «օմիկրոն» շտամի «BA.2» ենթատարբերակը, որն ավելի վարակիչ է, քան նախորդ՝ «դելտա» շտամը և «օմիկրոնի» նախորդ երկու ենթատեսակները, ու, համաձայն մի շարք հետազոտությունների, կարող է հիվանդության ավելի ծանր ընթացք ունենալ։ Այս մասին այսօր հրավիրված ասուլիսի ընթացքում նշեց ՀՀ ԱՆ հիվանդությունների վերահսկման և կանխարգելման ազգային կենտրոնի վարակիչ և ոչ վարակիչ հիվանդությունների համաճարակաբանության վարչության պետ Ռոմելլա Աբովյանը:
Հարցին՝ արդյո՞ք օմիկրոնը կորոնավիրուսի պանդեմիայի վերջին «ակորդն» է, թե ոչ, Աբովյանը պատասխանեց, որ «օմիկրոնը» թեթև է ընթանում պատվաստված բնակչության մոտ, բայց չպատվաստվածների մոտ կարող է ծանր ընթացք ունենալ: «Իսկ պանդեմիայի ավարտի մասին խոսելը վաղ է, նոր ենթատեսակի մասին շատ բան հայտնի չէ, դեռևս ԱՀԿ-ն ուսումնասիրություն է իրականացնում այս ենթատեսակի էվոլյուցիան պարզելու համար»,- նշեց Աբովյանը՝ հորդորելով պահպանել կանխարգելիչ անվտանգության միջոցառումները և սահմանափակումները:
Մանրամասները՝ տեսանյութում:
