03.03.2026 | 11:55
Այսօր և վաղը ևս Օմանից դեպի Երևան թռիչքներ կլինեն
12 տարեկանից բարձր երեխաների պատվաստումը փորձարկված է աշխարհում. ԱՆ խորհրդատու․ ՏԵՍԱՆՅՈՒԹ
22.02.2022 | 13:12
Հայաստանի Հանրապետությունում կորոնավիրուսով վարակված և հարաբերականորեն ծանր վիճակում գտնվող 3 երեխա գտնվում է վերակենդանացման բաժանմունքում։ Այս մասին այսօր մամուլի ասուլիսում նշեց ԱՆ խորհրդատու մանկաբուժության գծով Սերգեյ Սարգսյանը։
Նրա խոսքով` ընդհանուր առմամբ ամբողջ հանրապետությունում հիվանդանոցներում բուժում է ստանում շուրջ 190 երեխա։ Մասնագետն ընդգծեց, որ փետրվարի 1-20-ը դեպքերի թվի նվազում է նկատվում:
Սարգսյանի խոսքով՝ «Օմիկրոն» շտամը երեխաների մոտ հանգեցրել է վերին շնչուղիների ախտահարման և հիմնականում չի հասել թոքերին։ Այս հիվանդության դեպքում նկատվել է նաև մի առանձնահատկություն` լարինգոտրախեիտ և կրուպ հիվանդություններն են զարգացել:
Սարգսյանի խոսքով՝ Հայաստանում կան պատվաստանյութեր, երեխաները նույնպես կարող են պատվասվել, պատվաստումը կամավոր է. «12 բարձր երեխաների պատվաստումն արդեն փորձարկված է աշխարհում»:
Մանրամասները՝ տեսանյութում:
