09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ովքեր են Հայաստան ժամանած ադրբեջանցի պատգամավորները․ անունները հայտնի են
Քաղաքականություն
21.02.2022 | 12:52
Ադրբեջանի Միլլի Մեջլիսի պատգամավորները Երևանում կմասնակցեն Եվրանեսթի խորհրդարանական վեհաժողովի հանձնաժողովների՝ փետրվարի 22-ին կայանալիք նիստերին։ Ինչպես ավելի վաղ հայտնել էինք՝ ՀՀ ԱԺ պատգամավոր Մարիա Կարապետյանը լրագրողների հետ ճեպազրույցում ասել էր, որ պատգամավորներն արդեն Հայաստան են ժամանել։
Ադրբեջանական լրատվամիջոցների հաղորդմամբ՝ Եվրանեսթի խորհրդարանական վեհաժողովում ադրբեջանական պատվիրակության անդամներն են՝ Մեջլիսի պատգամավորներ Թաիր Միրքիշիլին ու Սոլթան Մամեդովը։
Նշենք, որ փետրվարի 21-22-ը Երևանում անցկացվելու են Եվրանեսթ խորհրդարանական վեհաժողովի բյուրոյի և հանձնաժողովների նիստերը: Նախատեսվում է նաև Եվրոպական խորհրդարանի, ինչպես նաև Ուկրաինայի, Վրաստանի խորհրդարանների պատգամավորների այցը Երևան:
Էմմա Չոբանյան
