19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
Ադրբեջանցի պատգամավորներն արդեն Երևանում են. Մարիա Կարապետյան․ ՏԵՍԱՆՅՈՒԹ
Քաղաքականություն
21.02.2022 | 11:30
Ադրբեջանցի պատգամավորներն արդեն ժամանել են Հայաստան, ԱԺ-ում լրագրողների հետ զրույցում ասաց ՔՊ-ական պատգամավոր Մարիա Կարապետյանը՝ անդրադառնալով հարցին, թե Եվրանեսթ խորհրդարանական վեհաժողովի բյուրոյի և հանձնաժողովների նիստերին մասնակցելու համար Երևան կժամանե՞ն Ադրբեջանի խորհրդարանի պատգամավորներ։
«Եկել են երկու պատգամավոր և մեկ ուղեկցող։ Որքան հիշում եմ՝ երեկ երեկոյան արդեն ժամանել են: Մի պատգամավորն անկուսակցական է, մյուսը «Նոր Ադրբեջան» կառավարող ուժի անդամ է», – ասաց Մարիա Կարապետյանը։
Հարցին, թե ադրբեջանցի պատգամավորների հետ շփումներ կլինե՞ն, Մարիա Կարապետյանը պատասխանեց. «Այն ինստիտուցիոնալ ֆորմատներում, որոնցում Հայաստանի պատգամավորները շփվում են բոլոր երկրների պատգամավորների, այդ թվում՝ ադրբեջանցի պատգամավորների հետ, երբ մեկնում եք գործուղումների, նման ֆորմատով ինստիտուցիոնալ ներկայություն, բնականաբար, այս անգամ ևս լինելու է։ Անհնար է ակնկալել հակառակը»։
Կարապետյանն ընդգծեց, որ ադրբեջանցի պատգամավորների հետ ոչ ֆորմալ հանդիպումներ նախատեսված չեն ՀՀ մայրաքաղաք Երևանում:
Մանրամասները՝ տեսանյութում:
