12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
«Հայերը կոլեկտիվիստ են». ապոլիտիկ զրույց Վաչե Գաբրիելյանի հետ․ ՏԵՍԱՆՅՈՒԹ
Հաղորդաշարեր
20.02.2022 | 21:00
Factor TV-ն սկսում է նոր հաղորդաշար, որը կոչվում է A-politic: Անվանումը հուշում է, որ քննարկվող թեմաների շրջանակում չեն լինի այսրոպեական քաղաքական պայքարը և դրա հետ կապված հարցերը: Որքան էլ կարևոր ու հետաքրքիր լինեն ընթացիկ քաղաքական թեմաները, նույնքան անհրաժեշտ է խոսակցությունը սկզբունքների, արժեքների, հեռանկարների մասին՝ խոսակցություն, որը կօգնի հասարակությանը հասկանալու, թե որ ուղղությամբ պետք է շարժվի մեր պետությունը:
Հաղորդումը վարում է Արամ Աբրահամյանը։ Առաջին թողարկման հյուրն է Հայաստանի ամերիկյան համալսարանի Բիզնեսի և տնտեսագիտության քոլեջի դեկան Վաչե Գաբրիելյանը: Թեման՝ տնտեսության վրա մշակութային բաղադրիչների ազդեցությունն է: Ըստ փորձագետի՝ տնտեսական իրավիճակը ամենուր, այդ թվում՝ Հայաստանում, ի թիվս այլ գործոնների, պայմանավորված է նաև հարաբերությունների, աշխատանքի, արտադրության, ինչպես նաև վարչական մշակույթով: Դա էլ, իր հերթին, սերտ առնչություն ունի տվյալ ազգի անցած պատմական ուղու հետ: Հայաստանի դեպքում վճռորոշ գործոններ են խոհրդային շրջանը և դրան հաջորդած բարեփոխումների ընթացքը:
Ըստ հաղորդման հյուրի՝ թեև տնտեսագիտական առումով 1990-ականների սկզբին սխալներ եղել են, սակայն քաղաքական տեսակետից այդ ընթացքին այլընտրանք չկար: Ի հեճուկս տարածված պատկերացման՝ Վաչե Գաբրիելյանը կարծում է, որ հայաստանցիներն ավելի շուտ հակված են կոլեկտիվիզմին, քան ինդիվիդուալիզմին, քանի որ վերջինս ենթադրում է պատասխանատվության բարձր աստիճան:
Մանրամասները՝ տեսանյութում։
