16.01.2025 | 16:06
Երբեք խոսք չի գնացել ՀՀ տարածքում արտատարածքային միջանցքների ստեղծման մասին․ Զախարովա․ ՏԵՍԱՆՅՈՒԹ
Արայիկ Հարությունյանն ընդունել է Արցախյան երրորդ պատերազմում զոհված և անհայտ կորած զինծառայողների հարազատներին
18.02.2022 | 22:28
Արցախի Հանրապետության նախագահ Արայիկ Հարությունյանը փետրվարի 18-ին ընդունել է Արցախյան երրորդ պատերազմում զոհված և անհայտ կորած զինծառայողների հարազատների միություն հասարակական կազմակերպության անդամներին: Այս մասին տեղեկանում ենք ԱՀ նախագահականի մամուլի ծառայությունից։
Քննարկվել են կազմակերպության գործունեությանն առնչվող մի շարք հարցեր: Նախագահ Հարությունյանը հանդիպման մասնակիցներին տեղյակ է պահել անհայտ կորածների ճակատագրերի պարզման ուղղությամբ տարվող աշխատանքների մասին՝ ընդգծել, որ դրանք ամենօրյա են, բայց, ցավոք, ոչ այնքան արդյունավետ, որքան ցանկալի է:
Հանդիպման ընթացքում անդրադարձ է կատարվել ԱՀ-ում իրականացվող սոցիալական ծրագրերին, դրանց հասցեականությանը, ընդգծվել է հանրային վերահսկողության կարևորությունը:
Հանդիպմանը մասնակցել է նաև ԱՀ նախագահի աշխատակազմի ղեկավար Կարեն Շահրամանյանը:
