14.12.2024 | 19:57
Ինչ իրավիճակ է ճանապարհներին 19։35-ի դրությամբ
Էրդողանը խոսել է Թուրքիայի գլխավոր խնդրի մասին
Քաղաքականություն
17.02.2022 | 14:47
Թուրքիայի նախագահ Ռեջեփ Թայիփ Էրդողանը նախօրեին կառավարության նիստից հետո իր ուղերձում անդրադարձել է երկրի գլխավոր խնդրին, գրում է «Անադոլու» գործակալությունը։
«Հիմա մեր գլխավոր խնդիրը բարձր գնաճն է։ Մենք այն ևս կհաղթահարենք»,- ասել է Էրդողանը՝ հավելելով, որ իշխանությունները նախատեսում են արդյունավետ քայլեր ձեռնարկել այդ ուղղությամբ։
Նրա խոսքով՝ Թուրքիայի համապատասխան գերատեսչությունները հետևելու են, թե ԱԱՀ-ի նվազումն ինչպես է ազդելու գների վրա և անհրաժեշտ պատժամիջոցներ են կիրառելու ընկերությունների դեմ, որոնք հակազդում են այդ միջոցին։
Էրդողանը նաև հայտարարել է, որ գազի և էլեկտրաէներգիայի բարձր գների պայմաններում որոշակի աջակցություն են ցուցաբերելու տնային տնտեսություններին ու ձեռնարկատերերին։
Հիշեցնենք՝ Թուրքիայում հունվարի 1-ից կրկնակի թանկացել են էլեկտրաէներգիայի և բնական գազի սակագները, ինչը բողոքի ալիք է բարձրացրել հասարակության շրջանում։ Բացի այդ, երկրում վերջին 20 տարվա ընթացքում գնաճի ամենաբարձր ցուցանիշն է գրանցվել։
Էմմա Չոբանյան
