17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Ադրբեջանը 21 երկրից ճանապարհորդների քարոզչական այց է կազմակերպել Արցախի գրավյալ տարածքներ․ նրանք այցելել են Շուշի. ԼՈՒՍԱՆԿԱՐՆԵՐ
Քաղաքականություն
16.02.2022 | 16:42
Ադրբեջանն արտասահմանցիների հերթական քարոզչական այցն է կազմակերպել Արցախի գրավյալ տարածքներ։ Տեղական լրատվամիջոցները հաղորդում են, որ 21 երկրի ճանապարհորդների պատվիրակությունը եռօրյա այցով մեկնել է Արցախ։ Նրանք այցելելու են Վարանդա, Շուշի, Ակնա, Քարվաճառ, Կուբաթլու և Կովսական։
Ճանապարհորդների խումբն արդեն եղել է հայկական գրավյալ Շուշիում։ Լրատվամիջոցները չեն հայտնում, թե կոնկրետ որ երկրներից և քանի ճանապարհորդի այց է կազմակերպվել Արցախ։ Արտասահմանցիների հետ հրապարակված հարցազրույցները, սակայն, ցույց են տալիս, որ Արցախ են այցելել ճանապարհորդներ Ուկրաինայից, Մեծ Բրիտանիայից, Լեհաստանից, Դանիայից։
Հավելենք, որ պաշտոնական Բաքուն պարբերաբար տարբեր երկրների լրագրողների, փորձագետների այցեր է կազմակերպում Արցախի գրավյալ տարածքներ՝ իր քարոզչական թեզերը տարածելու համար։
Էմմա Չոբանյան
