08.06.2026 | 19:42
Ողջունում ենք, որ Հայաստանում խորհրդարանական ընտրություններն ավարտվեցին խաղաղ և հանգիստ մթնոլորտում․ Թուրքիայի ԱԳՆ
Թուրքիայում բողոքի ակցիաները շարունակվում են․ 40 օրում 65 գործադուլ է հայտարարվել
Քաղաքականություն
16.02.2022 | 13:45
Ամբողջ Թուրքիայում աշխատողները հունվարի 6-ից փետրվարի 14-ն ընկած ժամանակահատվածում 65 գործադուլ են իրականացրել՝համաձայն Աշխատավորական ուսումնասիրության համայնքի, մի խումբ ակադեմիկոսների, հետազոտողների ու արհմիությունների փորձագետների, գրում է Bianet-ը։
Ստամբուլում՝ երկրի ամենամեծ քաղաքում և հարավարևելյան Գազիանթեփ նահանգում յուրաքանչյուրում 22 գործադուլ է կազմակերպվել։ Եվ 5 գործադուլ հայտարարվել է Իզմիրում, Քոջաելիում՝ 4, Մերսինում՝ 3։
Երկրում գործադուլներն ու աշխատողների բողոքի ակցիաները սկսեցին համատարած բնույթ ստանալ տնտեսական ճգնաժամի խորացման ու կտրուկ գնաճի պայմաններում, որը, ըստ պաշտոնական տվյալների, հունվարին կազմել է 48,69 տոկոս։
Մինչ կառավարությունը նվազագույն աշխատավարձը 50 տոկոսով բարձրացրեց, նրանք, ովքեր նվազագույն աշխատավարձից ավելին էին ստանում, շատ ավելի ցածր բարձրացումներ ստացան, ինչը նույնպես բողոքի ակցիաների և գործադուլների պատճառ դարձավ:
Էմմա Չոբանյան
