19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
Վրաստանում դեպի Հայաստան տանող ճանապարհը հիմնանորոգում են
Քաղաքականություն
15.02.2022 | 20:53
Վրաստանում ակտիվորեն դեպի վրաց-հայկական սահման տանող Փոնիճալա-Մառնեուլի-Գուգութի միջպետական ճանապարհի վերանորոգման աշխատանքներ են իրականացվում, գրում է Նովոստի Գրուզիան։
Սա ամենակարճ ճանապարհն է, որը կապում է Քվեմո Քարթլիի շրջանը և Հայաստանը Թբիլիսիի հետ։ Ճանապարհին վերանորոգվում է երկու հատված․ մեկը՝ ութ կիլոմետր (30 կմ-ից 37 կմ), երկրորդը՝ յոթ կիլոմետր երկարությամբ (40 կմ-ից մինչև 46 կմ):
Վրաստանի Ճանապարհային վարչությունից հայտնում են, որ այս պահին ճանապարհին խճալցման աշխատանքներ են տարվում, ինչպես նաև տեղադրվում են եզրաքարերը։ Վերանորոգման աշխատանքները պետք է ավարտվեն 2022 թվականի հոկտեմբերին։
«Ծրագիրը կապահովի մեքենաների և հետիոտնի անվտանգ տեղաշարժը և էապես կբարելավի այստեղ բնակվող ընտանիքների կենցաղային պայմանները»,- ասվում է Ճանապարհային վարչության հաղորդագրության մեջ։
Տաթև Ֆռանգյան
