02.03.2026 | 23:40
Հայաստանի մի շարք հասցեներում էլեկտրաներգիայի անջատումներ կլինեն
Սիլվա Համբարձումյանի հետ մեր վստահորդներից ոչ ոք առերեսում չի ունեցել․ Ռ․ Քոչարյանի պաշտպան․ ՏԵՍԱՆՅՈՒԹ
Հասարակություն
15.02.2022 | 16:50
«2019թ-ին, երբ հայտնի դարձավ, որ խոսքը Սիլվա Համբարձումյանի կողմից կաշառք տալու ինչ-որ դրվագի է վերաբերում, ոչ ոք լուրջ չընդունեց մեղադրանքը»,- այս մասին լրագրողների հետ զրույցում ասաց Ռոբերտ Քոչարյանի պաշտպան Հովհաննես Խուդոյանը։
«Այս մեղադրանքն այն ժամանակ անհրաժեշտ էր 300.1-րդ հոդվածին կից, որ հնարավոր բոլոր գույքային սահմանափակումները մեղադրյալների նկատմամբ կիրառեն, որովհետև դա կոռուպցիոն բնույթի մեղադրանք էր»,-նշեց Խուդոյանը՝ հավելելով, որ ի սկզբանե բարձրաձայնում էին, որ մեղադրանքը հստակություն չունի, ներկայացված չէ գործողություն:
Խուդոյանը նաև տեղեկացրեց, որ Սիլվա Համբարձումյանի հետ վստահորդներից ոչ ոք առերեսում չի ունեցել. «Մեր վստահորդների հետ առերեսում տեղի չի ունեցել, որովհետև այդ գործով որևէ անձ չի պնդել, որ ինքը երբևէ հանդիպել է պարոն Քոչարյանին կամ անձամբ ինչ-որ բան է տվել»:
Հիշեցնենք, որ այսօր Ռոբերտ Քոչարյանի և Արմեն Գևորգյանի գործով մեղադրող դատախազը հրապարակել է մեղադրական եզրակացությունը։ Պաշտպանության կողմը պահանջել է պարզաբանել մեղադրանքը, պաշտպանները լքել են դատական նիստերի դահլիճը՝ ի նշան բողոքի։
Դատարանը հեռացել է խորհրդակցական սենյակ՝ պաշտպանների նկատմամբ սանկցիա կիրառելու հարցը որոշելու նպատակով։
Մանրամասները՝ տեսանյութում:
