10.09.2026 | 19:14
Արմաշի նախկին զորանոցի տարածքը հետ են վերցնում Ջրային կոմիտեից․ «Արարատ» ՋՕԸ-ն այն չի օգտագործել
Դատախազը հրապարակեց մի փաստաթուղթ, որը մենք չունենք, դա մեղադրական եզրակացությունը չէր. Հայկ Ալումյան․ ՏԵՍԱՆՅՈՒԹ
Հասարակություն
15.02.2022 | 15:31
ՀՀ երկրորդ նախագահ Ռոբերտ Քոչարյանի և նախկին փոխվարչապետ Արմեն Գևորգյանի դեմ հարուցված քրգործով այսօր մեղադրող կողմը հրապարակեց մեղադրական եզրակացության եզրափակիչ մասը։
Նշենք, որ նիստն ընթանում է Երևանի ընդհանուր իրավասության դատարանում` դատավոր Աննա Դանիբեկյանի նախագահությամբ։ Ինչպես Քոչարյանը, այնպես էլ Գևորգյանը, մասնակցում են նիստին։
Սակայն Քոչարյանի պաշտպան Հայկ Ալումյանը հայտնեց, որ իրենց համար պարզ չէ պաշտպանյալին վերագրվող մեղադրանքը և ընդմիջում խնդրեց:
Ընդմիջումից հետո դահլիճ վերադառնալով՝ դատախազ Գևորգ Բաղդասարյանը հայտարարություն արեց, առարկություն հայտնելով դատավորի գործողությունների վերաբերյալ։ Նրա խոսքով՝ դատավորը չպետք է թույլ տար փաստաբանին միջամտել ամբաստանյալի հետ դատավորի խոսակցությանը և ընդմիջում հայտարարեր՝ չհարցնելով դատախազների կարծիքը։
Փաստաբան Հայկ Ալումյանը չհամաձայնեց դատախազի կարծիքին և կրկնեց, որ մեղադրանքն անհասկանալի է թե՛ պաշտպանությանը, թե՛ դատարանին, թե՛ մեղադրող կողմին։
«Մենք 20 րոպե ընդմիջում խնդրեցինք, որպեսզի համակարգենք, թե ով ինչ է ներկայացնելու»,- պարզաբանեց փաստաբանը՝ տեղեկացնելով, որ այսօր պաշտպանությունը պատրաստվում էր միջնորդություն ներկայացնել։
Պաշտպանի խոսքով՝ դատախազը պետք է ներկայացներ մեղադրական եզրակացության ամփոփիչ մասը, իսկ նա ներկայացրեց մի ինչ-որ փաստաթուղթ, որը պաշտպանական կողմը չունի, և խնդրեց դատարանին պաշտպանությանը տրամադրել այդ փաստաթուղթը, եթե դատարանն ունի այն։
Դատավորը հայտարարեց, որ պաշտպանական կողմին այդ փաստաթուղթը տրամադվել է:
Փաստաբանի խոսքով՝ դատախազը կարդացել էր եզրակացության եզրափակիչ մասից ինչ-որ կտորներ։
«Մենք չպետք է ենթադրենք, կռահենք, թե ինչ կարդաց դատախազը, մենք պետք է ունենանք հենց այդ փաստաթուղթը, որը կարդաց դատախազը: Դատախազը հրապարակեց մեղադրական եզրակացության եզրափակիչ մասից մի մաս, օրենսդրությունը նման բան չի նախատեսում»,- նշեց Ալումյանը։
Մանրամասները՝ տեսանյութում:
