09.02.2026 | 20:39
Մեր նախագահն աշխատում է Իրանի հետ փոխշահավետ համագործակցության գալու համար․ Վենս. ՏԵՍԱՆՅՈՒԹ
Ռոբերտ Քոչարյանի համար անհասկանալի էր առաջադրված մեղադրանքը. ՏԵՍԱՆՅՈՒԹ
Հասարակություն
15.02.2022 | 13:33
ՀՀ երկրորդ նախագահ Ռոբերտ Քոչարյանի և նախկին փոխվարչապետ Արմեն Գևորգյանի դեմ հարուցված քրգործով այսօր մեղադրող կողմը հրապարակեց մեղադրական եզրակացության եզրափակիչ մասը։
Նշենք, որ նիստն ընթանում է Երևանի ընդհանուր իրավասության դատարանում` դատավոր Աննա Դանիբեկյանի նախագահությամբ։ Ինչպես Քոչարյանը, այնպես էլ Գևորգյանը, մասնակցում են նիստին։
Դատախազների կողմից Քոչարյանին և Գևորգյանին վերագրվող մեղադրանքը ներկայացնելուց հետո դատավորը տեղեկացրեց` Քոչարյանին առաջադրվել է մեղադրանք ՀՀ քրեական օրենսգրքի 311–րդ հոդվածի 4-րդ մասի 2-րդ կետով (առանձնապես խոշոր չափի կաշառք ստանալը)։ Այս դեպքում 7-12 տարի ազատազրկում է սպասվում` գույքի բռնագանձմամբ կամ առանց դրա։
Ռոբերտ Քոչարյանի պաշտպան Հայկ Ալումյանը հայտնեց, որ իրենց համար պարզ չէ պաշտպանյալին վերագրվող մեղադրանքը։
«Մեղադրանքը ձևակերպված է այնպես, որ ոչ միայն ոչ իրավաբանին, այլ նաև իրավաբանների համար հասկանալի չէ մեղադրանքի ձևակերպումը։ Կարծում եմ` երբ մենք ցույց տանք դատարանին, թե որ դրույթները մեզ համար պարզ չեն, համոզված եմ՝ դատարանին նույնպես պարզ չի լինի մեղադրանքը։ Համոզվածեմ նաև, որ քննիչի համար էլ մեղադրանքը պարզ չի եղել, նրան թելադրված է եղել նման մեղադրանք առաջադրել»,- ասաց Ալումյանը։
Նա ընդմիջում պահանջեց, որպեսզի պաշտպանական կողմն իր տեսակետը հայտնի Քոչարյանին վերագրվող մեղադրանքի մասով։ Դատարանն, այսպիսով, ընդմիջում հայտարարեց։
Մանրամասները՝ տեսանյութում:
